July 2024

കൂറ്റനാട്: ആറങ്ങോട്ടുകരയിൽനിന്നു കാണാതായ വയോധികൻ പുഴക്കടവിൽ മരിച്ച നിലയിൽ. ദേശമംഗലം പഞ്ചായത്തിലെ ഭാരതപ്പുഴയിൽ ചെങ്ങനംകുന്നു കടവിലാണ് മൃതദേഹം കണ്ടെത്തിയത്. ഒറ്റപ്പാലം തോട്ടക്കര ആച്ചത് വീട്ടിൽ ഉണ്ണികൃഷ്‌ണൻ (77) ആണ് മരിച്ചത്. 29 ന് വൈകിട്ട് ഉണ്ണികൃഷ്ണൻ മകളുടെ വീട്ടിൽ പോയിരുന്നു. അവിടെനിന്ന് 4.15 ഓടെ മടങ്ങിയ ഉണ്ണികൃഷ്‌ണനെപ്പറ്റി പിന്നീടു വിവരമില്ലായിരുന്നു. വീട്ടുകാർ പൊലീസിൽ പരാതി നൽകി. തുടർന്നു നടത്തിയ തിരച്ചിലിലാണ് മൃതദേഹം കണ്ടെത്തിയത്.

കോഴിക്കോട്: വടകരയിൽ വിദ്യാർത്ഥി മുങ്ങിമരിച്ചു. വടകര ലോകനാർ കാവിൽ നീന്താനിറങ്ങിയ മേമുണ്ട സ്വദേശിയായ അഭിനവ് കൃഷ്ണ എന്ന വിദ്യാർത്ഥിയാണ് മുങ്ങി മരിച്ചത്. ഇന്നലെ വൈകിട്ട് ആറു മണിയോടെ കൂട്ടുകാര്‍ക്കൊപ്പം നീന്തുമ്പോഴായിരുന്നു അപകടം. ചിറയുടെ ഒരുഭാഗത്തേക്ക് നീന്തി തിരികെ വരികയായിരുന്ന അഭിനവ് വെള്ളത്തില്‍ മുങ്ങിപ്പോവുകയായിരുന്നു. കൂടെയുണ്ടായിരുന്നവര്‍ ഉടന്‍ തന്നെ അഭിനവിനെ വടകര ജില്ലാ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. മൃതദേഹം ആശുപത്രിയിൽ സൂക്ഷിച്ചിരിക്കുകയാണ്. പോസ്റ്റുമോർട്ടത്തിന് ശേഷം കുടുംബത്തിന് വിട്ടുനൽകും