സ്വന്തം രാജ്യത്തെ ആരാധകര്ക്ക് മുന്നില് അവസാന മല്സരം കളിച്ച് ലയണല് മെസി
അര്ജന്റീനയിലെ ലാ ബോംബോനെറ സ്റ്റേഡിയത്തില് സാംബിയക്കെതിരേ സൗഹൃദ മല്സരത്തിലാണ് മുപ്പത്തിയെട്ടുകാരനായ മെസി വിടവാങ്ങല് മല്സരം കളിച്ചത്. അര്ജന്റീനയുടെ മണ്ണില് തങ്ങളുടെ പ്രിയപ്പെട്ട നായകന് കളിക്കുന്ന അവസാന മല്സരമായിരിക്കും ഇതെന്ന് ഏറെക്കുറെ ഉറപ്പായതോടെ സ്റ്റേഡിയം മുഴുവന് മെസി ചാന്റുകളാല് മുഖരിതമായിരുന്നു. ആരാധകരുടെ സ്നേഹപ്രവാഹം കണ്ട് കണ്ണുനീര് തുടയ്ക്കുന്ന മെസിയുടെ ദൃശ്യങ്ങള് നിമിഷങ്ങള്ക്കകമാണ് സോഷ്യല് മീഡിയയില് തരംഗമായത്. വികാരത്തള്ളിച്ചയിലും ഗോളടിച്ചും സഹതാരങ്ങളെക്കൊണ്ട് ഗോളടിപ്പിച്ചും ഗ്രൗണ്ടില് തന്റെ മാസ്മരിക പ്രകടനത്തിന് ഒട്ടും കുറവുണ്ടാവില്ലെന്ന് മെസി തെളിയിച്ചു. സാംബിയക്കെതിരായ മല്സരത്തില് അര്ജന്റീന എതിരില്ലാത്ത…
