സ്വർണവിലയിൽ മാറ്റമില്ല; പവന് 56800 രൂപ
കൊച്ചി: സംസ്ഥാനത്ത് റെക്കോര്ഡുകള് ഭേദിച്ച് കുതിച്ച സ്വര്ണവിലയില് ഇന്ന് മാറ്റമില്ല. 56,800 രൂപയാണ് ഒരു പവന് സ്വര്ണത്തിന്റെ വില. ഗ്രാമിന് 7100 രൂപ നല്കണം.വെള്ളിയാഴ്ച 56,960 രൂപയായി ഉയര്ന്നാണ് സ്വര്ണവില റെക്കോര്ഡിട്ടത്. തുടര്ന്ന് ശനിയാഴ്ച വിലയില് മാറ്റം ഉണ്ടായിരുന്നില്ല. 57,000 കടന്നും കുതിക്കുമെന്ന സൂചനയ്ക്കിടെ ഇന്നലെ വില താഴ്ന്നിരുന്നു.മെയില് രേഖപ്പെടുത്തിയ പവന് 55,120 എന്ന റെക്കോര്ഡ് തിരുത്തിയാണ് കഴിഞ്ഞ മാസം മുതല് സ്വര്ണവില ഓരോ ദിവസവും പുതിയ ഉയരം കുറിച്ച് കുതിക്കുന്നത്.
