മലപ്പുറത്തെ രണ്ടര വയസ്സുകാരിയുടെ മരണത്തില് ദുരൂഹത; പിതാവ് മര്ദ്ദിച്ചു കൊലപ്പെടുത്തിയതെന്ന് ബന്ധുക്കള്, പരാതി
മലപ്പുറം: മലപ്പുറം കാളികാവ് ഉദിരംപൊയിലില് രണ്ടര വയസ്സുകാരിയുടെ മരണത്തില് ദുരുഹത. കുട്ടിയെ പിതാവ് മുഹമ്മദ് ഫായിസ് മര്ദ്ദിച്ചു കൊന്നതാണെന്നാണ് ബന്ധുക്കള് ആരോപിക്കുന്നത്. ഫായിസിനെതിരെ കുട്ടിയുടെ അമ്മയുടെ ബന്ധുക്കള് പൊലീസില് പരാതി നല്കി. ഫായിസിന്റെ മകള് നസ്റീന് ഇന്നലെയാണ് മരിച്ചത്. ഭക്ഷണം തൊണ്ടയില് കുടുങ്ങിയതാണെന്ന് പറഞ്ഞാണ് പിതാവ് ഫായിസ് കുട്ടിയെ വണ്ടൂരിലെ ആശുപത്രിയില് എത്തിക്കുന്നത്. എന്നാല് കുട്ടിയെ പിതാവ് ഫായിസ് പതിവായി മര്ദ്ദിക്കാറുണ്ടായിരുന്നുവെന്നാണ് ബന്ധുക്കള് പറയുന്നത്. കുട്ടിയെ അലമാരയിലേക്ക് ഉന്തിയിട്ടും കട്ടിലിലേക്ക് എറിഞ്ഞുമൊക്കെയാണ് കൊലപ്പെടുത്തിയതെന്നാണ് കുട്ടിയുടെ അമ്മൂമ്മ റംലത്ത്…
