2024

ആലപ്പി-ധൻബാദ് എക്സ്പ്രസിൽ നിന്നാണ് 10 കിലോയിലധികം കഞ്ചാവ് കണ്ടെത്തിയത്.എക്സൈസ് സംഘവും ആർ പി എഫും ചേർന്ന് നടത്തിയ പരിശോധനയിലാണ് ട്രെയിനിലെ ജനറൽ ബോഗിയിൽ നിന്ന് കഞ്ചാവ് കണ്ടെത്തിയത്. അഞ്ച് പാക്കറ്റുകളിലായി സൂക്ഷിച്ചിരുന്ന 10.276 കിലോഗ്രാം കഞ്ചാവാണ് പിടിച്ചെടുത്തത്.ഉടമസ്ഥനെക്കുറിച്ച് അന്വേഷണം തുടങ്ങി.ആലപ്പുഴ എക്സൈസ് സർക്കിൾ ഇൻസ്പെക്ടർ വൈ പ്രസാദ്, ആർ പി എഫ് സബ് ഇൻസ്പെക്ടർ പി എസ് സുരേന്ദ്രൻ, എ എസ് ഐ ഓമനക്കുട്ടൻപിള്ള, അജികുമാർ, ആലപ്പുഴ എക്സൈസ് ഇന്റലിജൻസ് ആപ ഇൻവെസ്റ്റിഗേഷൻ ബ്യൂറോ അസിസ്റ്റന്റ് എക്സൈസ്…

തിരുവനന്തപുരം: ഒരുമാസത്തെ ക്ഷേമ പെൻഷൻ അനുവദിച്ച് സംസ്ഥാന സർക്കാർ. ആറു മാസത്തെ കുടിശികയാണ് നിലനിൽക്കുന്നത്. ഏപ്രിൽ മുതൽ അതാതു മാസം പെൻഷൻ വിതരണത്തിനുള്ള നടപടികൾ ഉറപ്പാക്കുകയാണെന്നും മന്ത്രിയുടെ ഓഫീസിൽ നിന്ന് പുറത്തുവിട്ട വാര്‍ത്താക്കുറിപ്പിൽ പറഞ്ഞു. ഒരു മാസത്തെ ക്ഷേമ പെൻഷന് മാത്രമായി 900 കോടി രൂപയാണ് വേണ്ടത്. വെള്ളിയാഴ്ച പെൻഷൻ വിതരണം ചെയ്യും. ക്ഷേമപെൻഷൻ നൽകാത്തതിൽ ഇടതുമുന്നണി യോഗത്തില്‍ സിപിഐ വിമര്‍ശനം ഉന്നയിച്ചിരുന്നു. ലോക്സഭാ തിരഞ്ഞെടുപ്പ് പ്രചാരണം അവലോകനം ചെയ്യുന്നതിനു ചേർന്ന യോഗത്തിലാണ് സിപിഐ വിമർശനം ഉന്നയിച്ചത്….

തിരുവനന്തപുരം: മംഗലപുരത്ത് വാഹന ഷോറൂമില്‍ തീപിടിത്തം. തോന്നയ്ക്കലിലെ ഐഷര്‍ ഷോറൂമിലാണ് തീപ്പിടിച്ചത്. ഷോറുമിലെ മൂന്നു വാഹനങ്ങള്‍ പൂര്‍ണ്ണമായും കത്തിനശിച്ചു. ഒരു പുതിയ ബസും രണ്ട് പഴയ വാഹനങ്ങളുമാണ് പൂർണമായും കത്തി നശിച്ചത്. ഉച്ച കഴിഞ്ഞ് മൂന്ന് മണിയോടു കൂടിയാണ് സംഭവം. ഒരു സ്വകാര്യ നഴ്‌സിങ് കോളേജിലെ ബസിനും കേടുപാട് സംഭവിച്ചു. വെഞ്ഞാറമ്മൂട്, കഴക്കൂട്ടം, ചാക്ക, കല്ലമ്പലം എന്നിവിടങ്ങളില്‍നിന്ന് അഞ്ച്‌ ഫയര്‍ഫോഴ്‌സ് യൂണിറ്റുകളാണ് തീയണയ്ക്കാനായി എത്തിയിട്ടുള്ളത്. ആറ്റിങ്ങല്‍ ഡിവൈ.എസ്.പിയുടെ നേതൃത്വത്തിലുള്ള പോലീസ് സംഘവും സ്ഥലത്തെത്തി. അപകടത്തില്‍ കേടുപാട് സംഭവിച്ച്…