2024

തിരുവനന്തപുരം: തിരുവനന്തപുരം ജില്ലയിൽ മംഗലപുരത്ത് ഇടിമിന്നലേറ്റ വീടിന് കേടുപാടുകൾ. തലയ്ക്കോണം അനിതാ കോട്ടേജിൽ സെബീന ബീവിയുടെ വീടാണ് കഴിഞ്ഞദിവസം രാത്രിയിൽ ഇടിമിന്നലേറ്റ് കേടുപാടുകൾ സംഭവിച്ചത്. വീട്ടിലെ വയറിങ്ങ് പൂർണ്ണമായി കത്തിപ്പോയി. വീട്ടുകാർക്ക് ആർക്കും പരിക്കില്ല. മീറ്റർ ബോക്സ് പൊട്ടിത്തെറിക്കുകയും ഇലക്ട്രിക് ഉപകരണങ്ങൾക്ക് കേടുപാടുകൾ സംഭവിക്കുകയും ചെയ്തു. മേൽക്കൂരയിലെ കോൺക്രീറ്റ് ചിലയിടങ്ങളിൽ അടർന്ന് വീണിട്ടുണ്ട്. അടുക്കളഭാഗത്തെ ടെെലുകളും നശിച്ചു. വൻ നാശനഷ്ടം സംഭവിച്ചുവെന്നാണ് വീട്ടുകാർ പറയുന്നത്. സ്ഥിരമായി വീട്ടിലും പരിസരത്തും മിന്നലേൽക്കാറുണ്ടെന്ന ആശങ്കയും വീട്ടുകാർ പങ്കുവെച്ചു. ഒരുവർഷത്തിനിടെ നാലോളം…

കൊല്ലം: കുന്നത്തൂർ തുരുത്തിക്കരയിൽ വിദ്യാർത്ഥി സ്കൂളിലെ കിണറ്റിൽ വീണു. ഫയർഫോഴ്സ് എത്തിയാണ് വിദ്യാർത്ഥിയെ രക്ഷപെടുത്തിയത്. തുരുത്തിക്കര എംടിയുപി സ്കൂളിലെ ആറാം ക്ലാസ് വിദ്യാർത്ഥി ഫെബിനാണ് കിണറ്റിൽ വീണത്. തലയ്ക്കും നടുവിനും പരിക്കേറ്റ വിദ്യാർത്ഥിയെ കൊല്ലത്തെ സ്വകാര്യ ആശുപത്രിയിൽ പ്രവേശിപ്പിച്ചിരിക്കുകയാണ്. രാവിലെ 9.30ഓടെയാണ് അപകടമുണ്ടായത്. എന്നാൽ കുട്ടി എങ്ങനെയാണ് കിണറ്റിൽ വീണതെന്ന് വ്യക്തമല്ല. കാൽവഴുതി വീണതാകാമെന്നാണ് കരുതുന്നത്. കിണർ മൂടിയിട്ടുണ്ടെങ്കിലും ബലക്കുറവുണ്ടെന്നാണ് നാട്ടുകാർ പറയുന്നത്