ഡല്‍ഹി: ഇന്ത്യന്‍ ക്രിക്കറ്റ് താരം ചേതേശ്വര്‍ പൂജാര ക്രിക്കറ്റിനോട് വിട പറഞ്ഞു. ക്രിക്കറ്റിന്റെ എല്ലാ ഫോര്‍മാറ്റുകളില്‍ നിന്നും വിരമിക്കല്‍ പ്രഖ്യാപിച്ചു
തന്റെ വിരമിക്കല്‍ പ്രഖ്യാപനം സോഷ്യല്‍ മീഡിയയിലൂടെയാണ് അദ്ദേഹം അറിയിച്ചത്.
2010 ല്‍ അന്താരാഷ്ട്ര ക്രിക്കറ്റില്‍ പ്രവേശിച്ച പൂജാര 103 ടെസ്റ്റുകള്‍ കളിച്ചു. മൂന്ന് ഇരട്ട സെഞ്ച്വറികളും 19 സെഞ്ച്വറികളും 35 അര്‍ദ്ധ സെഞ്ച്വറികളും ഉള്‍പ്പെടെ 7,195 റണ്‍സ് നേടി. അഞ്ച് ഏകദിനങ്ങള്‍ കളിച്ച അദ്ദേഹം 51 റണ്‍സ് നേടി. 2023 ല്‍ ഓസ്‌ട്രേലിയയ്‌ക്കെതിരെയാണ് അദ്ദേഹം അവസാനമായി ഇന്ത്യയ്ക്കായി ടെസ്റ്റ് മത്സരം കളിച്ചത്.
‘ഇന്ത്യന്‍ ജേഴ്സി ധരിച്ച്‌, ദേശീയഗാനം ആലപിച്ച്‌, കളിക്കളത്തിലിറങ്ങുമ്പോഴെല്ലാം എന്റെ പരമാവധി നല്‍കാന്‍ ശ്രമിക്കാറുണ്ട്. അതിന്റെ യഥാര്‍ത്ഥ അര്‍ത്ഥം വാക്കുകളില്‍ വിവരിക്കാന്‍ കഴിയില്ല, പക്ഷേ എല്ലാ കാര്യങ്ങളും അവസാനിേേക്കണ്ടതുണ്ട്.
അതിയായ നന്ദിയോടെ, ഇന്ത്യന്‍ ക്രിക്കറ്റിന്റെ എല്ലാ ഫോര്‍മാറ്റുകളില്‍ നിന്നും ഞാന്‍ വിരമിക്കാന്‍ തീരുമാനിച്ചു. നിങ്ങളുടെ സ്‌നേഹത്തിനും പിന്തുണയ്ക്കും എല്ലാവര്‍ക്കും നന്ദി!’ എന്ന അടിക്കുറിപ്പോടെയാണ് പൂജാര തന്റെ വിരമിക്കല്‍ പ്രഖ്യാപനം നടത്തിയത്.
2010 ല്‍ ഇന്ത്യയ്ക്കായി ചേതേശ്വര്‍ പൂജാര അന്താരാഷ്ട്ര ക്രിക്കറ്റില്‍ അരങ്ങേറ്റം കുറിച്ചു. അന്നുമുതല്‍ 2023 വരെ അദ്ദേഹം 103 ടെസ്റ്റുകളും 5 ഏകദിനങ്ങളും മാത്രമേ കളിച്ചിട്ടുള്ളൂ. 5 മത്സരങ്ങളില്‍ നിന്ന് 15 റണ്‍സ് മാത്രമേ നേടിയിട്ടുള്ളൂ. 2013 മുതല്‍ 2014 വരെ അദ്ദേഹം ഈ ഫോര്‍മാറ്റില്‍ കളിച്ചു.
ടി20 അന്താരാഷ്ട്ര ക്രിക്കറ്റില്‍ അദ്ദേഹത്തിന് ഒരിക്കലും അവസരം ലഭിച്ചില്ല. അതേസമയം, 103 ടെസ്റ്റ് മത്സരങ്ങളില്‍ നിന്ന് ചേതേശ്വര്‍ പൂജാര 7195 റണ്‍സ് നേടിയിട്ടുണ്ട്, അതില്‍ 19 സെഞ്ച്വറികള്‍, 35 അര്‍ദ്ധ സെഞ്ച്വറികള്‍, 3 ഇരട്ട സെഞ്ച്വറികള്‍ എന്നിവ ഉള്‍പ്പെടുന്നു.
ഒരു ദശാബ്ദത്തിലേറെയായി, ചേതേശ്വര്‍ പൂജാരയെ ഇന്ത്യയുടെ ടെസ്റ്റ് ടീമിന്റെ നട്ടെല്ല് എന്ന് വിളിക്കുകയും പല അവസരങ്ങളിലും അദ്ദേഹം ഇന്ത്യന്‍ ടീമിന്റെ പതാക ഉയര്‍ത്തുകയും ചെയ്തു. രാഹുല്‍ ദ്രാവിഡിനു ശേഷം, ഇന്ത്യന്‍ ടെസ്റ്റ് ടീമിന്റെ പുതിയ മതില്‍ എന്ന് ആണ് ചേതേശ്വര്‍ പൂജാരയെ വിശേഷിപ്പിച്ചിരുന്നത്
