മുതിർന്ന നടൻ രവികുമാർ (71) അന്തരിച്ചു. അർബുദത്തെ തുടർന്ന് ചെന്നൈയിലായിരുന്നു അന്ത്യം. തൃശൂർ സ്വദേശിയായ അദ്ദേഹം 100ലധികം മലയാള ചലച്ചിത്രങ്ങളിലും നിരവധി തമിഴ് ചിത്രങ്ങളിലും ടെലിവിഷൻ പരമ്പരകളിലും അഭിനയിച്ചിട്ടുണ്ട്. ആറാട്ട്, സിബിഐ 5 എന്നീ സിനിമകളിലാണ് അവസാനമായി അഭിനയിച്ചത്. 1970കളിലും 80കളിലും നായക, വില്ലൻ വേഷങ്ങൾ കൈകാര്യം ചെയ്ത് പ്രേക്ഷകരുടെ ഹൃദയം കവർന്ന താരത്തെയാണ് നഷ്ടമായത്.
