പാലക്കാട്: മണ്ണാർക്കാട് താലൂക്കിൽ അട്ടപ്പാടിയിലെ ഷോളയൂർ വില്ലേജ് ഓഫീസറെ സസ്‌പെൻഡ് ചെയ്തു. അഴിമതി, കൈക്കൂലി ആരോപണങ്ങളിൽ വില്ലേജ് ഓഫീസർ ഇ.എസ്. അജിത് കുമാറിനെയാണ് അന്വേഷണവിധേയമായി സസ്‌പെൻഡ് ചെയ്തത്. വിവിധ പരാതികൾ ലഭിച്ചിരുന്നു. ഇതേ തുടർന്ന് സംസ്ഥാനതല ഇൻസ്പെക്ഷൻ നടത്തിയ മിന്നൽ പരിശോധനയെ തുടർന്നാണ് ഉദ്യോഗസ്ഥനെതിരെ നടപടി കൈക്കൊണ്ടത്.
റവന്യു പ്രിൻസിപ്പൽ സെക്രട്ടറിയാണ് സസ്പെൻഷൻ സംബന്ധിച്ച ഉത്തരവ് പുറത്തിറക്കിയത്. ഇൻസ്പെക്ഷൻ സ്ക്വാഡിന്റെ പരിശോധനയുടേയും റിപ്പോർട്ടിന്റേയും അടിസ്ഥാനത്തിലാണ് സസ്പെൻഷനെന്ന് റവന്യു പ്രിൻസിപ്പൽ സെക്രട്ടറി അറിയിച്ചു
