കലാസംവിധായകന് സാബു പ്രവദാസ് വാഹനാപകടത്തില് മരിച്ചു.
തിരു.: പ്രശസ്ത കലാ സംവിധായകനും ചലച്ചിത്ര ഗവേഷകനുമായ സാബു പ്രവദാസ് അന്തരിച്ചു. 10 ദിവസം മുൻപ് തിരുവനന്തപുരത്തുണ്ടായ വാഹനാപകടത്തില് ഗുരുതരമായി പരിക്കേറ്റ് തിരുവനന്തപുരം മെഡിക്കല് കോളേജ് ആശുപത്രിയില് ചികിത്സയില് ആയിരുന്നു. ഇന്ന് രാവിലെയാണ് അന്ത്യം സംഭവിച്ചത്.
മികച്ച ചലച്ചിത്ര ഗ്രന്ഥത്തിനുള്ള ഈ വര്ഷത്തെ സംസ്ഥാന അവാര്ഡ് ലഭിച്ചിരുന്നു. ‘പുന:സ്ഥാപനം എന്ന നവേന്ദ്രജാലം’ എന്ന പുസ്തകത്തിനായിരുന്നു പുരസ്കാരം. രാജാവിന്റെ മകൻ, മനു അങ്കിള്, വഴിയോരക്കാഴ്ചകള്, പത്രം, ലേലം, പാര്വ്വതീപരിണയം, റണ്ബേബി റണ് അടക്കം നിരവധി സൂപ്പര് ഹിറ്റ് സിനിമകളുടെ കലാ സംവിധായകനാണ്.
ഐഎഫ്എഫ്കെ അടക്കമുള്ള ചലച്ചിത്രമേളകളുടെ ഡിസൈനറായും പ്രവര്ത്തിച്ചിട്ടുണ്ട്. ഫെഫ്ക പബ്ലിസിറ്റി ഡിസൈനേഴ്സ് യൂണിയന് സ്ഥാപക നേതാവാണ്. എറണാകുളത്തെ പ്രവദ സ്റ്റുഡിയോ ഉടമ പ്രവദ സുകുമാരന്റെ മകനാണ്.
