അഹമ്മദാബാദ് : ചോക്ലേറ്റ് നിർമാണ കമ്പനികളിൽ നിന്ന് കഞ്ചാവും നിരോധിക്കപ്പെട്ട മയക്ക് മരുന്നും കലർത്തിയ ചോക്ലേറ്റും പിടികൂടി. ഉത്തർപ്രദേശ് ആസ്ഥാനമായി പ്രവർത്തിക്കുന്ന 15 ചോക്ലേറ്റ് നിർമാണ കമ്പനികളിൽ നിന്നാണ് തെലങ്കാന ആന്റി നർക്കോട്ടിക്സ് ബ്യൂറോ കഞ്ചാവ് പിടിച്ചെടുത്തത്. 1.05 ലക്ഷം രൂപ വിലമതിക്കുന്ന 12.68 കിലോ കഞ്ചാവും 80 ഗ്രാം ഉണങ്ങിയ കഞ്ചാവുമാണ് പിടിച്ചെടുത്തത്. പൊലീസ് എക്സൈസ്, പ്രൊഹിബിഷൻ ഡിപ്പാർട്ട്മെൻ്റ് ഉദ്യോഗസ്ഥർ അടങ്ങുന്ന സംഘമാണ് കഞ്ചാവ് കലർത്തിയ ചോക്ലേറ്റ് തുടർച്ചയായി പിടികൂടിയത്.
ചോക്ലേറ്റ് നിർമാണ കമ്പനികൾക്കെതിരെ നോട്ടീസ് അയക്കുകയും ഹൈദരാബാദിൽ പ്രവർത്തിക്കുന്ന കമ്പനികൾക്കെതിരെ കേസ് എടുക്കുകയും ചെയ്തിട്ടുണ്ട്. തെലങ്കാനയിലെ സ്കൂൾ വിദ്യാർത്ഥികൾക്ക് കഞ്ചാവ് ചോക്ലേറ്റ് നൽകിയ കടക്കാരനെ കോത്തൂർ പൊലീസ് ഓഫ് കമ്മീഷ്ണറേറ്റ് നേരത്തെ പിടികൂടിയിരുന്നു.
