ശബരിമലയിലെ സ്വര്ണപ്പാളി ഉള്പ്പെട്ട ലോഹത്തിന്റെ ഭാരം നാലര കിലോഗ്രാം കുറഞ്ഞതില് വിജിലന്സ് അന്വേഷണത്തിന് ഉത്തരവിട്ട് ഹൈക്കോടതി
കൊച്ചി: ശബരിമലയിലെ സ്വര്ണപ്പാളി ഉള്പ്പെട്ട ലോഹത്തിന്റെ ഭാരം നാലര കിലോഗ്രാം കുറഞ്ഞതില് വിജിലന്സ് അന്വേഷണത്തിന് ഉത്തരവിട്ട് ഹൈക്കോടതി. വിജിലന്സ് ഓഫീസര് മൂന്നാഴ്ച്ചയ്ക്കകം അന്വേഷണം പൂര്ത്തിയാക്കി റിപ്പോര്ട്ട് നല്കണമെന്നാണ് കോടതി ഉത്തരവ്. അന്വേഷണത്തിന് ദേവസ്വം ബോര്ഡ് സഹകരിക്കണമെന്ന് കോടതി നിര്ദേശിച്ചിട്ടുണ്ട്. ദ്വാരപാലക ശില്പ്പങ്ങള്ക്കായി താങ്ങുപീഠം നിര്മ്മിച്ചുനല്കിയിരുന്നെന്നും അതെവിടെയെന്ന് അറിയില്ലെന്നുമായിരുന്നു സ്പോണ്സര് ഉണ്ണിക്കൃഷ്ണന് പോറ്റി പറഞ്ഞത്. ആ താങ്ങുപീഠങ്ങള് സ്ട്രോംഗ് റൂമിലുണ്ടോ എന്ന് പരിശോധിക്കാനും കോടതി നിര്ദേശം നല്കി. സ്വര്ണപ്പാളിയുമായി ബന്ധപ്പെട്ട കേസ് പരിഗണിക്കുന്നതിനിടെയായിരുന്നു ഹൈക്കോടതി ദേവസ്വം ബെഞ്ചിന്റെ പ്രതികരണം….
