കൊച്ചി: കാക്കനാട് ഷവര്മ കഴിച്ചതിനു ശേഷം ഭക്ഷ്യ വിഷബാധയേറ്റ് മരിച്ച യുവാവിന്റെ രക്തത്തില് സാല്മോണെല്ല ബാക്ടീരിയയുടെ സാന്നിധ്യം കണ്ടെത്തി. ഷവര്മയിലൂടെയാണോ ഇത് ശരീരത്തില് എത്തിയതെന്ന് പരിശോധിക്കുമെന്ന് പൊലീസ് അറിയിച്ചു. രക്ത സാമ്പിളിന്റെ പരിശോധനയിലൂടെയാണ് ബാക്ടീരിയയുടെ സാന്നിധ്യം തിരിച്ചറിഞ്ഞത്. രാഹുലിന്റെ ഹൃദയത്തില് നിന്നുള്ള രക്തസാമ്പിളുകളും പരിശോധനയ്ക്കായി ശേഖരിച്ചു.
ഇതേ ദിവസത്തില് സണ്റൈസ് ആശുപത്രിയില് രണ്ട് പേര് കൂടി ഭക്ഷ്യ വിഷബാധയേറ്റ് ചികിത്സ തേടിയതായി ഡി.എം.ഒ ക്ക് ആശുപത്രി അധികൃതര് റിപ്പോര്ട്ട് ചെയ്തു. 19ന് 6 പേര് വിവിധ സ്ഥലങ്ങളില് ചികിത്സ തേടിയതായി തൃക്കാക്കര മെഡിക്കല് ഓഫീസര് ഡി.എം.ഒ യ്ക്ക് നല്കിയ റിപ്പോര്ട്ടില് പറയുന്നു.
ആന്തരിക അവയവങ്ങളുടെ രാസപരിശോധന ഫലം രണ്ടു ദിവസത്തിനകം ലഭ്യമാകണമെന്ന് അന്വേഷണ ഉദ്യോഗസ്ഥര് ആവശ്യപ്പെട്ടിട്ടുണ്ട്. അന്തിമ റിപ്പോര്ട്ട് ലഭ്യമായതിനു ശേഷം കൂടുതല് നടപടികള് ഉണ്ടാവുമെന്നാണ് കേസ് അന്വേഷിക്കുന്ന തൃക്കാക്കര പൊലീസ് വ്യക്തമാക്കി.നിലവില് ഹോട്ടലുടമകള് ഉള്പ്പെടെയുള്ളവര് ഒളിവില് പോയിരിക്കുകയാണ്.
