പ്രതിഷേധങ്ങൾക്കൊടുവിൽ തിരുവനന്തപുരം മെഡിക്കൽ കോളേജിൽ പാൽ വിതരണം പുനരാരംഭിച്ചു
തിരുവനന്തപുരം: തിരുവനന്തപുരം മെഡിക്കൽ കോളേജ് ആശുപത്രിയിലെ കിടപ്പു രോഗികൾക്കുള്ള പാൽവിതരണം ഇന്നു മുതൽ പുനരാരംഭിക്കും. മന്ത്രിതലത്തിൽ നടത്തി ചർച്ചയിലാണ് തീരുമാനം. കഴിഞ്ഞ കുറച്ച് ദിവസങ്ങളായി വിതരണം തടസ്സപ്പെട്ടിരുന്നു. തുടർന്ന് ശക്തമായ പ്രതിക്ഷേധ പരിപാടികൾ ഇതിനെതിരെ നടന്നിരുന്നു.രോഗികൾക്ക് പാൽ നൽകിയ വകയിൽ മിൽമയ്ക്ക് 1.14 കോടി രൂപ കുടിശികയായതിനാൽ പാൽ വിതരണം നിർത്താൻ തീരുമാനിച്ചു. പാൽവിതരണം പ്രതിസന്ധിയിലായതോടെ മന്ത്രമാരായ വീണാജോർജും ജെ.ചിഞ്ചുറാണിയും ചർച്ച നടത്തി. 3 ദിവസത്തിനകം പണം നൽകാമെന്ന തീരുമാനത്തിന്റെ അടിസ്ഥാനത്തിലാണ് പാൽ വിതരണം പുനരാരംഭിച്ചത്.