മാനന്തവാടി: കൊലയാളി കാട്ടാനയെ മയക്കുവെടി വെച്ച് പിടികൂടാനുള്ള തീരുമാനം ജനങ്ങളുടെ കണ്ണിൽ പൊടിയിടാനാണെന്നും, ഒരു മനുഷ്യ ജീവൻ അപഹരിച്ചതും, നാശനഷ്ടങ്ങൾ വരുത്തിവെച്ചതുമായ ആനയെ വെടിവെച്ച് കൊല്ലണമെന്നും സിപിഐ വയനാട് ജില്ലാ സെക്രട്ടറി ഇ.ജെ ബാബു പറഞ്ഞു. മയക്കുവെടി വെച്ച് കർണാടക പിടികൂടി റേഡിയോ കോളർ ഘടിപ്പിച്ച് വിട്ട ആനയാണ് ഇപ്പോൾ ഈ കൊലപാതകം നടത്തിയിരിക്കുന്നത്.
