കുഴല്‍മന്ദം: കാട്ടുപന്നിയുടെ ആക്രമണത്തില്‍ വീട്ടമ്മയ്ക്ക് ഗുരുതര പരിക്ക്. പാലക്കാട് കുഴല്‍മന്ദത്ത് കളപ്പെട്ടി വടവടി വെള്ളപുളിക്കളത്തില്‍ കൃഷ്ണന്റെ ഭാര്യ തത്ത(61)യ്ക്കാണു പരിക്കേറ്റത്.
വീടിനു പിന്നില്‍നിന്ന തത്തയെ കാട്ടുപന്നി ഇടിച്ചു വീഴ്ത്തുകയായിരുന്നു. കൂടാതെ ഇടിയുടെ ആഘാതത്തിൽ നിലത്തുവീണ തത്തയുടെ കാലിന്റെ മുട്ടിനു താഴെ കടിച്ചുപറിക്കുകയും ചെയ്തു. ഇവരെ ആദ്യം ജില്ലാ ആശുപത്രിയിലും തുടര്‍ന്ന് തൃശൂര്‍ മെഡിക്കല്‍ കോളജ് ആശുപത്രിയിലും പ്രവേശിപ്പിച്ചു.
