തിരുവനന്തപുരം: റോഡില്‍ യുവാവ് മരിച്ച നിലയില്‍. വര്‍ക്കല പൊലീസ് സ്റ്റേഷനു സമീപമാണ് വര്‍ക്കല വെട്ടൂര്‍ സ്വദേശി ബിജുവിനെ മരിച്ച നിലയിൽ കണ്ടെത്തിയത്. വര്‍ക്കല ഡിവൈഎസ്പി ഓഫിസിനു സമീപത്തെ കടമുറിക്കു മുന്നിലാണ് മൃതദേഹം കണ്ടെത്തിയത്.
ഇന്ന് രാവിലെ ഏഴരയോടെയാണ് മൃതദേഹം കണ്ടെത്തുന്നത്. തലയ്ക്ക് അടിയേറ്റ നിലയിലുള്ള മുറിവുണ്ട്. രക്തം വാര്‍ന്ന് മരിച്ച നിലയിലാണ് മൃതദേഹമെന്ന് പൊലീസ് വ്യക്തമാക്കി. കൊലപാതകമാണ് എന്നാണ് പൊലീസ് സംശയിക്കുന്നത്. സംഭവത്തില്‍ അന്വേഷണം ആരംഭിച്ചു.
