സ്റ്റോക്ക്ഹോം: 2023ലെ ഫിസിക്സിനുള്ള നൊബേൽ പുരസ്കാരം മൂന്ന് പേർക്ക്. പിയറെ അഗസ്തീനി, ഫെറെൻസ് ക്രോസ്, ആൻ ലി ഹുലിയർ എന്നിവർക്കാണ് പുരസ്കാരം.
ദ്രവ്യത്തിലെ ഇലക്ട്രോൺ ഡൈനാമിക്സ് പരീക്ഷണത്തിനാണ് അവാർഡ്. ആൻ ലിലിയർ ഭൗതിക ശാസ്ത്ര നൊബേൽ നേടുന്ന അഞ്ചാമത്തെ വനിതയാണ്.
വൈദ്യശാസ്ത്ര നൊബേൽ സ്വീഡിഷ് അക്കാദമി ഇന്നലെ പ്രഖ്യാപിച്ചിരുന്നു. കാറ്റലിൻ കാരിക്കോ (ഹംഗറി), ഡ്രൂ വെയ്സ്മാൻ (യുഎസ്) എന്നിവരാണ് പുരസ്കാര ജേതാക്കൾ. കോവിഡ്19 വാക്സീൻ ഗവേഷണത്തിനുള്ള സുപ്രധാന കണ്ടെത്തലിനാണ് പുരസ്കാരം. വാക്സീനുകളിൽ സഹായകരമായ എംആർഎൻഎയുമായി (മെസഞ്ചർ ആർഎൻഎ) ബന്ധപ്പെട്ട പഠനമാണ് ഇവരെ പുസ്കാരത്തിന് അർഹരാക്കിയത്. കോവിഡ് വാക്സിൻ ഗവേഷണത്തിൽ ഉൾപ്പെടെ ഏറെ ഗുണകരമായ കണ്ടെത്തലായിരുന്നു ഇത്.
