2023

ആലപ്പുഴ: മലയാളി സൈനികന്‍ പാമ്പുകടിയേറ്റ് മരിച്ചു. ആലപ്പുഴ പട്ടണക്കാട് മൊഴികാട്ട് വിഷ്ണു ആണ് മരിച്ചത്. രാജസ്ഥാനില്‍ ജോലിക്കിടെയാണ് പാമ്പുകടിയേറ്റത്‌. ഉടന്‍ തന്നെ സൈനിക ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. ജയ്സാല്മറില്‍ പെട്രോളിംഗിനിടെ പുലര്‍ച്ചെ മൂന്നിനാണ് പാമ്പുകടിയേറ്റത്. മൃതദേഹം ഇന്ന് വൈകിട്ട് ആറിന് നെടുമ്പാശ്ശേരി വിമാനത്താവളത്തില്‍ എത്തിക്കും. പിതാവ്: കാര്‍ത്തികേയൻ.

തിരുവനന്തപുരം: നെടുമങ്ങാട് ജില്ലാ ആശുപത്രിയിൽ പ്രസവവേദനയുമായി എത്തിയ യുവതിക്ക് ചികിത്സ നൽകിയില്ലെന്ന് പരാതി. ഇന്നലെ രാത്രി 12.30 ഓടെ ആശുപത്രിയിലെത്തിയ യുവതിയെ അരമണിക്കൂറോളം ഡോക്ടറെ കാത്തുനിർത്തിയെന്നാണ് ബന്ധുക്കളുടെ ആരോപണം. ആശുപത്രിയിൽ ഗൈനക്കോളജി ഡോക്ടർ ഉണ്ടായിരുന്നില്ലെന്നും ഈ വിവരം രോഗിയെ അറിയിക്കാൻ വൈകിയെന്നും യുവതിയുടെ ബന്ധുക്കൾ പറയുന്നു. ഡ്യൂട്ടിയിലുള്ള നഴ്സുമാർ എസ്എടി ആശുപത്രിയിലേക്ക് പോകാൻ നിർദേശിച്ചതായും, എസ്എടി ആശുപത്രിയിൽ എത്തിയ ഉടൻ യുവതി പ്രസവിച്ചതായും കുടുംബം വെളിപ്പെടുത്തി. ആശുപത്രി സൂപ്രണ്ടിനും പൊലീസിനും കുടുംബം പരാതി നൽകും. ഇതാദ്യമായല്ല നെടുമങ്ങാട്…

ഓപറേഷൻ അജയ് യുടെ ഭാഗമായി ഇസ്രായേലിൽ നിന്നും ഇന്ത്യക്കാരുമായുള്ള ആദ്യ വിമാനം ഡൽഹിയിൽ എത്തി. 230 പേർ അടങ്ങുന്ന സംഘത്തിൽ ഒമ്പത് മലയാളികളുമുണ്ട്. മടങ്ങിയെത്തിയവരെ കേന്ദ്രമന്ത്രി രാജീവ് ചന്ദ്രശേഖർ സ്വീകരിച്ചു. കേരളാ ഹൗസ് അധികൃതരും വിമാനത്താവളത്തിൽ എത്തിയിരുന്നു. ഇസ്രായേലിൽ നിന്നും ഇന്ത്യയിലേക്കുള്ള വിമാന സർവീസുകൾ റദ്ദാക്കിയതിന് ശേഷം വരാൻ കഴിയാത്തവരും യുദ്ധത്തെ തുടർന്ന് ഇസ്രായേലിൽ നിന്ന് മടങ്ങാൻ ആഗ്രഹിക്കുന്നവരെയും ഉൾപ്പെടെയാണ് ഇന്ത്യയിലെത്തിക്കുന്നത്. ആദ്യ സംഘത്തിൽ വിദ്യാർഥികളടക്കമാണ് ഒമ്പത് മലയാളികളുള്ളത്.മടങ്ങിയെത്തിയവരെ സ്വീകരിക്കുന്നതിനും തുടർ പ്രവർത്തനങ്ങൾ ഏകോപിപ്പിക്കുന്നതിനും എയർപോർട്ടിൽ ഹെൽപ്…

തിരുവനന്തപുരം : ഇരുകാലുകളും നഷ്ടപ്പെട്ട ശ്രീധരൻ കാണിക്ക് വീൽ ചെയർ കൈമാറി ആശ്വാസമേകി വാമനപുരം റേഞ്ച് ഓഫീസിലെ ഉദ്യോഗസ്ഥർ. വാമനപുരം എക്സൈസ് റേഞ്ച് ഇൻസ്‌പെക്ടറും സംഘവും ഒരു മാസം മുമ്പ് കുറുപുഴ വില്ലേജിലെ ഇളവട്ടം പച്ചമല ഭാഗത്ത് നടത്തിയ പട്രോളിങ്ങിനിടയിലാണ് ഇരുകാലുകളും ഇല്ലാത്ത ശ്രീധരൻകാണി എന്നയാളുടെ ദുരവസ്ഥ കണ്ടത്. തുടർന്ന് റേഞ്ച് ഇൻസ്പെക്ടർ ജി. മോഹൻ കുമാർ നന്ദിയോട് പഞ്ചായത്തിലെ കുറുപുഴ വാർഡ് മെമ്പർ ആയ ബീന രാജുവിനോട് വിവരം തിരക്കി. പച്ചമല തടത്തരികത്ത് പുത്തൻവീട്ടിൽ 70…

പ്രശസ്ത ചലച്ചിത്ര നിർമ്മാതാവ് പി.വി. ഗംഗാധരൻ അന്തരിച്ചു. 80 വയസായിരുന്നു. ഇന്ന് രാവിലെ ആറരയോടെ കോഴിക്കോട്ടെ സ്വകാര്യ ആശുപത്രിയിൽവെച്ചായിരുന്നു അന്ത്യം. ഗൃഹലക്ഷ്മി പ്രൊഡക്ഷൻസ് എന്ന പ്രൊഡക്ഷൻ കമ്പനിയിലൂടെ ഒരു വടക്കൻ വീരഗാഥയടക്കം നിരവധി സിനിമകൾ മലയാളികൾക്ക് സമ്മാനിച്ച നിർമ്മാതാവാണ് പി വി ഗംഗാധരൻ. മാതൃഭൂമിയുടെ മുഴുവൻ സമയ ഡയറക്ടർ കൂടിയായിരുന്നു അദ്ദേഹം.സുജാത, മനസാ വാചാ കർമ്മണാ, അങ്ങാടി, അഹിംസ, ചിരിയോ ചിരി, കാറ്റത്തെ കിളിക്കൂട്, ഇത്തിരി പൂവേ ചുവന്ന പൂവേ, ഒഴിവുകാലം, വാർത്ത, ഒരു വടക്കൻ വീരഗാഥ,…