2023

തളിപ്പറമ്പ് (കണ്ണൂർ) : കണ്ണൂർ പട്ടുവം അരിയിൽ തോട്ടിൽ വീണ് വയോധിക മരിച്ചു. ധർമ കിണറിനു സമീപം കള്ളുവളപ്പിൽ നാരായണി (78) ആണ് മരിച്ചത്. ഇന്നലെ തൊഴിലുറപ്പ് ജോലിക്ക് പോയപ്പോൾ മറന്നുവച്ച സാധനങ്ങൾ എടുക്കുവാൻ രാവിലെ 8 മണിയോടെ പോകുമ്പോൾ വഴിയിലുള്ള തോട്ടിൽ കാൽവഴുതി വീഴുകയായിരുന്നു.  വിവരമറിഞ്ഞ് തളിപ്പറമ്പ് അഗ്നിരക്ഷാസേന എത്തുമ്പോഴേക്കും 500 മീറ്റർ അകലെ തോട്ടിൽനിന്നു തന്നെ മൃതദേഹം നാട്ടുകാർ കണ്ടെടുത്തിരുന്നു. ഭർത്താവ്:ഒതേനൻ. മക്കൾ: രമ, ബാബു, രാജീവൻ. മരുമക്കൾ: ഷൈമ, നിമിഷ, ഭാസ്ക്കരൻ.

പാലക്കാട്: അമ്മയും രണ്ട് മക്കളും കിണറ്റിൽ ചാടി മരിച്ച നിലയിൽ. പാലക്കാട് മേലാർകോട്ടിലാണ് സംഭവം. മേലാർകോട് കീഴ്പാടം ഐശ്വര്യ (28) മക്കളായ അനുഗ്രഹ (രണ്ടര) ആരോമൽ (പത്ത് മാസം) എന്നിവരാണ് മരിച്ചത്. ഇന്ന് ഉച്ചയ്ക്ക് രണ്ട് മണിയോട് കൂടിയാണ് യുവതി കുട്ടികളുമായി കിണറ്റില്‍ ചാടിയത് എന്നാണ് പ്രാഥമിക വിവരം. വീട്ടുവളപ്പിലെ കിണറ്റിൽ ചാടുകയായിരുന്നു. മൃതദേഹങ്ങൾ ആലത്തൂർ താലൂക്ക് ആശുപത്രി മോർച്ചറിയിലേക്ക് മാറ്റി.