February 2024

പത്തനംതിട്ട: പരുമലയിൽ മര്‍ദ്ദനമേറ്റ് ചികിത്സയിലായിരുന്നയാൾ മരിച്ചു. വെൺമണി പുന്തല സ്വദേശി മുഹമ്മദ് റാവുത്തറാണ് (60) മരിച്ചത്. പരുമല വാലുപറമ്പിൽ വീട്ടിൽ മാർട്ടിൻ (48) ആണ് റാവുത്താറിനെ ക്രൂരമായി മർദ്ദിച്ചത്. ഡിസംബര്‍ 21 ന് രാത്രിയാണ് സംഭവമുണ്ടായത്. മാര്‍ട്ടിന്റെ തട്ടുകടയിൽ നിന്ന് ചായകുടിക്കാതെ വേറെ കടയിൽ നിന്ന് ചായ കുടിച്ചതാണ് വിരോധത്തിന് കാരണമായതെന്ന് പൊലീസ് പറയുന്നു. മാര്‍ട്ടിനെ പുളിക്കീഴ് പൊലീസ് അറസ്റ്റ് ചെയ്തിരുന്നു. ഇയാളിപ്പോൾ റിമാന്റിൽ കഴിയുകയാണ്. പ്രതിക്കെതിരെ കൊലക്കുറ്റം ചുമത്തി കോടതിയിൽ റിപ്പോര്‍ട്ട് സമര്‍പ്പിക്കുമെന്ന് പൊലീസ് അറിയിച്ചു….

തിരുവനന്തപുരം: കോണ്‍ക്രീറ്റ് സ്ലാബ് പൊട്ടി കുഴിയിൽ വീണ് വയോധികൻ മരിച്ചു. തിരുവനന്തപുരം മുക്കോലയ്ക്കല്‍ ഷിജു ഭവനിൽ സോമൻ (63) ആണ് മരിച്ചത്. ഇദ്ദേഹം നടന്നു പോകുന്നതിനിടെ തോടിന് കുറുകെയായി സ്ഥാപിച്ചിട്ടുള്ള കോണ്‍ക്രീറ്റ് സ്ലാബ് പൊട്ടി വീഴുകയായിരുന്നു. ബുധനാഴ്ച ഉച്ചയ്ക്കുശേഷം തിരുവനന്തപുരം ആര്യനാട് കുളപ്പടയിലാണ് അപകടമുണ്ടായത്. സോമന്‍റെ ശരീരത്തിന് മുകളിലേക്കും തകര്‍ന്ന സ്ലാബ് വീണു. പൊട്ടിയ സ്ലാബിനും കുഴിയ്ക്കും ഇടയിലായി സോമൻ ഞെരിഞമര്‍ന്നുപോവുകയായിരുന്നു. സ്ലാബിന്‍റെ ഭാഗങ്ങള്‍ വീണ് തലയ്ക്കും മറ്റു ഭാഗങ്ങളിലും ഗുരുതരമായി പരിക്കേറ്റാണ് മരിച്ചത്. പൊലീസും നാട്ടുകാരുമെത്തി…