വ്യക്തിവൈരാഗ്യത്തെ തുടർന്ന് അയൽവാസി തീ കൊളുത്തി; ഗുരുതരമായി പൊള്ളലേറ്റ് ചികിത്സയിലായിരുന്ന യുവതി മരിച്ചു
ഇടുക്കി: അയൽവാസി പെട്രോളൊഴിച്ച് തീ കൊളുത്തിയ യുവതി മരിച്ചു. ഉടുമ്പൻചോല പാറയ്ക്കൽ ഷീലയാണ് മരിച്ചത്. ഷീലയ്ക്ക് അപകടത്തിൽ ഗുരുതരമായി പൊള്ളലേറ്റിരുന്നു. വ്യക്തിവൈരാഗ്യത്തെ തുടർന്നാണ് അയൽവാസിയായ ശശി ഷീലയെ പെട്രോളൊഴിച്ച് തീ കൊളുത്തിയത്. കഴിഞ്ഞ വെള്ളിയാഴ്ചയാണ് സംഭവം. 60 ശതമാനത്തിലേറെ പൊള്ളലേറ്റ് യുവതി കോട്ടയം മെഡിക്കൽ കോളേജിൽ ചികിത്സയിലായിരുന്നു. ഷീല തോട്ടത്തിൽ ജോലി ചെയ്യുന്നതിനിടെയായിരുന്നു ശശി കുപ്പിയിൽ കരുതിയ പെട്രോൾ ദേഹത്തേക്ക് ഒഴിച്ച് തീകൊളുത്തിയത്. സംഭവത്തിൽ പ്രതി ശശിയെ പൊലീസ് അറസ്റ്റ് ചെയ്തിരുന്നു
