March 2024

കണ്ണൂർ: തലശ്ശേരി – മാഹി ബൈപ്പാസിലെ പാലത്തിൽ നിന്നും വീണ് പ്ലസ് ടു വിദ്യാർത്ഥിക്ക് ദാരുണാന്ത്യം. തോട്ടുമ്മൽ സ്വദേശി നിദാൽ (18) ആണ് മരിച്ചത്. കഴിഞ്ഞ ദിവസമാണ് തലശ്ശേരി മാഹി ബൈപ്പാസ് ഉദ്ഘാടനം ചെയ്തത്. കൂട്ടുകാർക്കൊപ്പം പുതിയ ബൈപ്പാസ് കാണാനെത്തിയതായിരുന്നു നിദാൽ. ഇന്നലെ രാത്രിയോടെയാണ് അപകടമുണ്ടായത്. കൂട്ടുകാർക്കൊപ്പമെത്തിയ നിദാൽ പാലങ്ങൾക്കിടയിലെ വിടവ് ചാടിക്കടക്കാൻ ശ്രമിക്കുമ്പോൾ താഴേക്ക് വീഴുകയായിരുന്നു. ഉടൻ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. തലശ്ശേരി സെയ്ൻറ് ജോസഫ് ഹയർ സെക്കൻഡറി സ്കൂൾ പ്ലസ് ടു വിദ്യാർഥിയാണ്

പാലക്കാട് : ഉത്സവപ്പറമ്പിൽ നിന്നും മാല മോഷണത്തിനിടെ മോഷ്ടാക്കൾ പിടിയിൽ. പാലക്കാട് തൃത്താല ആലൂർ പൂരത്തിനിടെ മോഷണം നടത്തിയ തമിഴ്നാട് സേലം സ്വദേശിനികളായ കസ്തൂരി, രേവതി എന്നിവരാണ് പിടിയിലായത്. ആലൂർ സ്വദേശിനി സുകന്യയുടെ മാലയാണ് ഇവർ മോഷ്ടിക്കാൻ ശ്രമിച്ചത്. മോഷണ ശ്രമത്തിനിടെയാണ് തൃത്താല പൊലീസ് പ്രതികളെ പിടികൂടിയത്.

മുംബൈ : ഭിക്ഷാടനത്തിലുടെ ധനികനായ മുംബൈയിലെ ഭരത് ജെയിൻ ലോകത്തിലെ ഏറ്റവും ധനികനായ യാചകൻ. ഭിക്ഷാടനം പലപ്പോഴും ദാരിദ്ര്യത്തിൻ്റെയും നിരാശയുടെയും അടയാളമായി പറയുന്നുവെങ്കിലും ചിലർക്ക് അത് ലാഭകരമായ ഒരു തൊഴിലാണ്. 7.5 കോടി ആസ്തിയുള്ള ലോകത്തിലെ ഏറ്റവും ധനിക യാചകനായ ഭരത് ജെയിൻ അത്തരത്തിലുള്ള ഒരാളാണ്. 54 വയസ്സുള്ള ജെയിൻ മുംബൈയിലാണ് താമസം. 40 വർഷത്തിലേറെയായി അദ്ദേഹം ഭിക്ഷാടനം നടത്തുന്നു. ഛത്രപതി ശിവാജി മഹാരാജ് ടെർമിനസ്, ആസാദ് മൈതാനം എന്നി സ്ഥലങ്ങളിലാണ് ഭിക്ഷാടനം നടത്തുന്നത്.10 മുതൽ 12…