August 2024

കണ്ണൂർ: ആംബുലൻസും ഫയർഫോഴ്സിൻറെ ഫയർഎഞ്ചിനും കൂട്ടിയിടിച്ച് ആംബുലൻസ് ഡ്രൈവർ മരിച്ചു. ഏഴാം കൊട്ടിൽ സ്വദേശി മിഥുനാണ് മരിച്ചത്. കണ്ണൂർ തലശ്ശേരിയിൽ ഇന്നലെ രാത്രി പതിനൊന്നു മണിക്കാണ് അപകടം ഉണ്ടായത്. പരിയാരത്തു നിന്നും മൃതദേഹവുമായി വരികയായിരുന്നു ആംബുലൻസും തലശ്ശേരി കുളം ബസാറിലേക്ക് തീ അണക്കാനായി പോവുകയായിരുന്ന ഫയർഫോഴ്സിൻറെ ഫയർഎഞ്ചിനുമായാണ് കൂട്ടിയിടിച്ചത്. ആംബുലൻസ് ഡ്രൈവറെ ആശുപത്രിയിലെത്തിച്ചെങ്കിലും രക്ഷിക്കാനായില്ല. അപകടത്തിൽ ആംബുലൻസ് തകർന്നു. ഫയർഎഞ്ചിൻറെ മുൻഭാഗത്തെ ചില്ല് ഉൾപ്പെടെ തകർന്നു. ആംബുലൻസിലുണ്ടായിരുന്ന മൃതദേഹം പിന്നീട് മറ്റൊരു ആംബുലൻസെത്തിച്ച് മാറ്റുകയായിരുന്നു.