കുവൈത്തിലെ തൊഴിലാളി ക്യാമ്പില് വൻ തീപ്പിടിത്തം; മലയാളികൾ ഉൾപ്പെടെ 35 പേര്ക്ക് ദാരുണാന്ത്യം
കുവൈത്ത് സിറ്റി: കുവൈറ്റിലെ തൊഴിലാളി ക്യാമ്പിൽ ഉണ്ടായ തീപിടുത്തത്തിൽ മലയാളികൾ ഉൾപ്പെടെ 35 പേര് മരണപ്പെട്ടതായി റിപ്പോർട്ട്. മംഗഫിലുള്ള വ്യവസായ സ്ഥാപനത്തിലെ തൊഴിലാളി ക്യാമ്പിലാണ് തീപ്പിടിത്തമുണ്ടായത്. പുലര്ച്ചെ നാല് മണിയോടെയാണ് തീ കെട്ടിടത്തില് ആളിപ്പടര്ന്നത്. മരിച്ചവരേക്കുറിച്ചുള്ള കൂടുതൽ വിവരങ്ങൾ ലഭ്യമായിട്ടില്ല. 43 പേർ അപകടത്തിൽ പെട്ടതായും നാലു പേരെ എത്തിച്ചത് മരിച്ച നിലയിലാണെന്നും കുവൈത്ത് ആരോഗ്യ മന്ത്രാലയത്തെ ഉദ്ധരിച്ച് ‘കുവൈത്ത് ന്യൂസ് ഏജന്സി’ നേരത്തെ റിപ്പോര്ട്ട് ചെയ്തിരുന്നു. പിന്നീട് മരണസംഖ്യ ഉയരുകയായിരുന്നു. മരിച്ചവരില് മലയാളികളും ഉള്പ്പെട്ടതായാണ് പുറത്തുവരുന്ന…
