വയനാട്: കാറിന് സൈഡ് നൽകിയില്ലെന്നാരോപിച്ച് കെഎസ്ആർടിസി ഡ്രൈവറെയും കണ്ടക്ടറെയും ആക്രമിച്ചു. വയനാട് സുൽത്താൻബത്തേരി ബീനാച്ചിയിലായിരുന്നു സംഭവം. ഇന്നലെ രാത്രിയിൽ KL 65 1472 എന്ന നമ്പറിലുള്ള കാറിലെത്തിയ യാത്രക്കാരാണ് ബസ് ജീവനക്കാരെ മർദ്ദിച്ചത്. ആക്രമണത്തിൽ ബസ് ഡ്രൈവർ മത്തായിക്കും, കണ്ടക്ടർ റിയാസിനും കുത്തേറ്റുവെന്നാണ് വിവരം. ഇരുവരെയും ആശുപത്രിയിൽ പ്രവേശിപ്പിച്ചിട്ടുണ്ട്.
അബുദാബി: വാഹനത്തിൽ സ്കൂൾ ബസുകൾ കൂട്ടിയിടിച്ചുണ്ടായ അപകടത്തിൽ 14 പേർക്ക് പരിക്കേറ്റു. പതിമൂന്ന് വിദ്യാർത്ഥികൾക്കും ഒരു അധ്യാപകനുമാണ് അപകടത്തിൽ പരിക്കേറ്റത്. തിങ്കളാഴ്ച ഉച്ചയ്ക്ക് മൂന്ന് ദേശീയ പാത E311ൽ ആയിരുന്നു അപകടം. അജ്മാനിൽ നിന്ന് ഷാർജയിലേക്ക് പോകുകയായിരുന്ന ഷെയ്ഖ് മുഹമ്മദ് ബിൻ സായിദ് റോഡിൽ രണ്ട് സ്കൂൾ ബസുകൾ തമ്മിൽ കൂട്ടിയിടിച്ചതോടെയാണ് സംഭവം. അപകടത്തിൽ 6 മുതൽ 12 വയസ്സ് വരെ പ്രായമുള്ള 13 കുട്ടികളും ഒരു അധ്യാപികയും കൂടുതലാണ്. അപകടമുണ്ടായതായി വിവരം ലഭിച്ചതിന് പിന്നാലെ 13…
തിരുവനന്തപുരം : സംസ്ഥാനത്തെ വിദ്യാഭ്യാസ കലണ്ടറില് പ്രവൃത്തിസമയം അരമണിക്കൂർ കൂട്ടുന്നതിൽ മാറ്റമില്ലെന്ന് വിദ്യാഭ്യാസമന്ത്രി വി ശിവന്കുട്ടി പറഞ്ഞു. രാവിലെയും വൈകിട്ടും 15 മിനിറ്റ് വർധിപ്പിക്കും. അടുത്ത ആഴ്ച മുതൽ ഇത് നിലവിൽ വരും. അക്കാദമിക്ക് കലണ്ടർ ഉടൻ തയാറാക്കുമെന്നും മന്ത്രി കൂട്ടിച്ചേര്ത്തു സംസ്ഥാന സിലബസിൽ പ്രവർത്തിക്കുന്ന സർക്കാർ, എയ്ഡഡ്, അൺ-എയ്ഡഡ് (അംഗീകൃതം) സ്കൂളുകളിലെ 2025-26 അധ്യയന വർഷത്തിലെ ആറാം പ്രവൃത്തി ദിനം അടിസ്ഥാനപ്പെടുത്തിയുളള കുട്ടികളുടെ കണക്കെടുപ്പ് ഇന്ന് നടക്കും. വൈകിട്ട് 5 മണി വരെ കുട്ടികളുടെ എണ്ണം…
ന്യൂഡല്ഹി: ക്രിക്കറ്റ് ലോകത്തെ ഞെട്ടിച്ച് കൊണ്ട് വെസ്റ്റ് ഇന്ഡീസ് ബാറ്റര് നിക്കോളാസ് പുരാന് വിരമിച്ചു. 29-ാം വയസിലാണ് താരം അന്താരാഷ്ട്ര ക്രിക്കറ്റില് നിന്നുള്ള വിരമിക്കല് പ്രഖ്യാപിച്ചത്. വെസ്റ്റ് ഇന്ഡീസിനായി ഏറ്റവും കൂടുതല് ടി20 റണ്സും മത്സരങ്ങള് കളിച്ചതിന്റെയും റെക്കോര്ഡ് സ്വന്തമാക്കിയ ഇടംകൈയ്യന് ബാറ്റര്, വൈകാരികമായ ഒരു ഇന്സ്റ്റഗ്രാം പോസ്റ്റിലൂടെയാണ് തീരുമാനം അറിയിച്ചത്. ഏറെ ബുദ്ധിമുട്ടി എടുത്ത തീരുമാനമാണിത്. തീരുമാനം എടുക്കുന്നതിന് മുന്പ് ഏറെനേരം ആലോചിച്ചതായും അദ്ദേഹം ഇന്സ്റ്റഗ്രാമില് കുറിച്ചു. ഐപിഎല്ലില് ലഖ്നൗ സൂപ്പര് ജയന്റ്സിന്റെ താരമാണ് പുരാന്. 61 ടി20കളും 106…
സംസ്ഥാനത്ത് ഇന്ന് അഞ്ച് ജില്ലകളില് ശക്തമായ മഴയ്ക്ക് സാധ്യത. പത്തനംതിട്ട, ആലപ്പുഴ, കോട്ടയം, എറണാകുളം, തൃശൂര് ജില്ലഷകളിലാണ് യെല്ലോ അലര്ട്ടുള്ളത്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറില് 64.5 മില്ലിമീറ്ററില് മുതല് 115.5 മില്ലിമീറ്റര് വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് കേന്ദ്ര കാലാവസ്ഥ വകുപ്പ് അര്ത്ഥമാക്കുന്നത്. ഇടിമിന്നലോടു കൂടിയ മഴയാണ് പ്രതീക്ഷിക്കുന്നത്. നാളെ കൂടുതല് ജില്ലകളില് യെല്ലോ അലര്ട്ടുണ്ട്. മറ്റന്നാളോടെ മഴ കൂടുതല് ശക്തമാകുമെന്നാണ് കാലാവസ്ഥാ വകുപ്പിന്റെ മുന്നറിയിപ്പ്….
ബംഗളൂരു: ഐപിഎൽ വിജയാഘോഷത്തിനിടെയുണ്ടായ തിക്കിലും തിരക്കിലും പെട്ട് 11 പേർ മരിച്ച സംഭവത്തിൽ (തങ്ങൾക്കെതിരായ ക്രിമിനൽ കേസ് റദ്ദാക്കണമെന്നു ആവശ്യപ്പെട്ട് റോയൽ ചലഞ്ചേഴ്സ് ബംഗളൂരു കർണാടക ഹൈക്കോടതിയെ സമീപിച്ചു. കേസ് റദ്ദാക്കണമെന്നു റോയൽ ചലഞ്ചേഴ്സ് സ്പോർട്സ് ലിമിറ്റഡ് (ആർസിഎസ്എൽ) നൽകിയ ഹർജിയിൽ ആവശ്യപ്പെട്ടു. 18 വർഷം നീണ്ട കാത്തിരിപ്പിനൊടുവിൽ ആർസിബി ഇത്തവണ കന്നി കിരീടം നേടിയതോടെയാണ് വമ്പൻ ആഘോഷം നടന്നത്. എന്നാൽ കാണികൾ തള്ളിക്കയറിയത് ദുരന്തത്തിലേക്ക് നയിച്ചു. വിക്ടറി പരേഡിനിടെയുണ്ടായ തിക്കിലും തിരക്കിലുമാണ് 11 പേർ ദാരുണമായി…
കോഴിക്കോട് : മലാപ്പറമ്പ് ഇയ്യപ്പാടി റോഡിലെ ഫ്ളാറ്റില് സ്ത്രീകളെ എത്തിച്ച് അനാശാസ്യം നടത്തിയിരുന്ന സംഘത്തിന്റെ ഇടപാടുകള് മുഴുവൻ വാട്സാപ്പ് ഗ്രൂപ്പിലൂടെ.പതിവ് ഇടപാടുകാരെ ഉള്പ്പെടുത്തിയാണ് ഗ്രൂപ്പ് രൂപീകരിക്കുന്നത്. പിന്നീട് ഇടപാടുകാരുമായി പരിചയമുള്ളവരെയും ഗ്രൂപ്പിലേക്ക് ചേർക്കും. തത്പര കക്ഷികള്ക്ക് വാട്സാപ്പിലൂടെ ലൊക്കേഷൻ കൈമാറും. ഇങ്ങനെ വരുന്നവർ ഫ്ലാറ്റിലെ കൗണ്ടറില് പണമടച്ചാണ് ഇടപാടുകള് നടത്തിയിരുന്നത്. ആശുപത്രികളുടെ അടുത്താണ് സംഘം ഫ്ലാറ്റുകള് എടുത്തിരുന്നത്. രോഗികളുടെ കൂടെ എത്തുന്നവരായിരുന്നു പ്രധാന ഇടപാടുകാർ. കേരളത്തിന്റെ അതിർത്തി പ്രദേശങ്ങളില് നിന്നും ഇതരസംസ്ഥാനങ്ങളില് നിന്നുമാണ് സ്ത്രീകളെ എത്തിച്ചിരുന്നത്. 3500…
അഹമ്മദാബാദ്: ഗുജറാത്തിൽ യുവ മോഡല് തൂങ്ങിമരിച്ച നിലയിൽ. സൂറത്തിലെ അത്വയിൽ വീടിനുള്ളിലാണ് ഇരുപത്തിമൂന്നുകാരിയായ അഞ്ജലി വെര്മോറയെ തൂങ്ങി മരിച്ച നിലയില് കണ്ടെത്തിയത്. മൃതദേഹം പോസ്റ്റ്മാര്ട്ടം നടപടികള്ക്കായി ആശുപത്രിയിലേക്ക് മാറ്റി. മാനസിക സമ്മര്ദമാണ് ആത്മഹത്യയ്ക്ക് കാരണമെന്നാണ് പൊലീസിന്റെ പ്രാഥമിക നിഗമനം. ആത്മഹത്യാക്കുറിപ്പ് കണ്ടെടുത്തിട്ടില്ല. അന്വേഷണം ആരംഭിച്ചെന്നും കുടുംബാംഗങ്ങളെ ചോദ്യംചെയ്യുന്നതും അഞ്ജലിയുടെ മൊബൈല് ഫോണ് പരിശോധിക്കുന്നതുമുള്പ്പെടെയുളള നടപടികളിലേക്ക് കടക്കുമെന്നും പൊലീസ് അറിയിച്ചു. അടുത്തിടെ മധ്യപ്രദേശില് നിന്നുളള പത്തൊന്പതുകാരിയായ മോഡലിനെ സൂറത്തില് മരിച്ച നിലയില് കണ്ടെത്തിയിരുന്നു. സുഖ്പ്രീത് കൗറിനെയാണ് മരിച്ച നിലയില്…
കൊച്ചി: ‘മൂണ്വാക്ക്’ സിനിമയെക്കുറിച്ച് നിരൂപണം നടത്തിയതിനെത്തുടര്ന്ന് 14 കാരിക്കെതിരെയുണ്ടായ അധിക്ഷേപ വീഡിയോകള് ഉടന് നീക്കം ചെയ്യണമെന്ന് ഹൈക്കോടതി ഫെയ്സ്ബുക്ക്, ഇന്സ്റ്റഗ്രാം, യൂട്യൂബ് എന്നിവയിലെ ഉള്ളടക്കങ്ങള് നീക്കം ചെയ്യണമെന്നാണ് കോടതിയുടെ നിര്ദേശം.സമൂഹ മാധ്യമങ്ങളില് സിനിമയെക്കുറിച്ച് നിരൂപണ വീഡിയോ പെണ്കുട്ടി പങ്കുവച്ചിരുന്നു. ഇത് ചിലര് അശ്ലീലവും അപകീര്ത്തികരവുമായ ഉള്ളടക്കങ്ങളാക്കി മാറ്റുകയായിരുന്നു. പരിഹാസ വാക്കുകള്, അശ്ലീല അടിക്കുറിപ്പുകള്, ലൈംഗികച്ചുവയുള്ള പരാമര്ശങ്ങള് എന്നിവയടങ്ങിയ ഉള്ളടക്കങ്ങളായിരുന്നു പലരും പങ്കുവെച്ചത്. ഇതിനെ തുടര്ന്ന് 14കാരി കടുത്ത മാനസിക സമ്മര്ദ്ദത്തിലായെന്ന് കാണിച്ച് മാതാവ് ഹൈക്കോടതിയെ സമീപിക്കുകയായിരുന്നു. പൊലീസില്…
ന്യൂഡൽഹി : കാട്ടുപന്നിയെ ക്ഷുദ്രജീവിയായി പ്രഖ്യാപിക്കണമെന്ന കേരളത്തിന്റെ ആവശ്യം തള്ളി കേന്ദ്ര വനം പരിസ്ഥിതി മന്ത്രാലയം. കുരങ്ങിനെ ഷെഡ്യൂൾ രണ്ടിലേക്ക് മാറ്റണമെന്ന ആവശ്യവും പരിഗണിക്കില്ല. കാട്ടുപന്നികൾ മനുഷ്യജീവന് അപകടമുണ്ടാക്കുന്ന ഘട്ടത്തിൽ കൊല്ലാനുള്ള അധികാരം സംസ്ഥാനത്തിനുണ്ട്. ആ ആധികാരം കേരളം പ്രയോജനപ്പെടുത്തുന്നില്ലെന്നും കേന്ദ്രം ചൂണ്ടികാട്ടി. സംരക്ഷിത മൃഗങ്ങളുടെ രണ്ടാം പട്ടികയിലാണ് കാട്ടുപന്നിയെ ഉൾപ്പെടുത്തിയിരിക്കുന്നത്. ഈ പട്ടികയിൽ നിന്നും കാട്ടുപന്നിയെ മാറ്റില്ലെന്ന നിലപാടിലാണ് കേന്ദ്രം. കടുവയും ആനയും ഒന്നാം പട്ടികയിലാണ്.
You cannot copy content of this page
