നെടുമങ്ങാട് ജില്ലാ ആശുപത്രിയിൽ അപകടം; കോൺക്രീറ്റ് അടർന്ന് വീണ് രോഗിയുടെ ബന്ധുവിന് പരിക്ക്
തിരുവനന്തപുരം: തലസ്ഥാന ജില്ലയിലെ നെടുമങ്ങാട് ജില്ലാ ആശുപത്രി കെട്ടിടത്തിന്റെ ശോച്യാവസ്ഥ വെളിപ്പെടുത്തി വീണ്ടും അപകടം. ആശുപത്രിയുടെ പഴക്കം ചെന്ന കെട്ടിടത്തിൽ നിന്ന് കോൺക്രീറ്റ് പാളി അടർന്ന് വീണ് രോഗിയോടൊപ്പം വന്ന ബന്ധുവിന് പരിക്കേറ്റു. ശാന്തിഗിരി സ്വദേശിനിയായ നൗഫിയ നൗഷാദ് (21) എന്ന യുവതിക്കാണ് അപകടത്തിൽ പരിക്കേറ്റത്. നൗഫിയ ഒരു രോഗിയെ ഫിസിക്കൽ മെഡിസിൻ ആൻഡ് റീഹാബിലിറ്റേഷൻ (പി.എം.ആർ) ഒ.പി.യിൽ ഡോക്ടറെ കാണിക്കുന്നതിനായി കാത്തിരിക്കുമ്പോഴാണ് സംഭവം. പെട്ടെന്ന് കെട്ടിടത്തിന്റെ സീലിംഗിൽ നിന്നും കോൺക്രീറ്റ് പാളികൾ അടർന്ന് നൗഫിയയുടെ ഇടത്…
