കൊല്ലത്ത് വിദ്യാർഥിയെ വീട്ടിൽ കയറി കുത്തിക്കൊന്നു. ഉളിയക്കോവിലിലാണ് സംഭവം. ഉളിയക്കോവിൽ സ്വദേശി ഫെറിൻ (24) ആണ് മരിച്ചത്. ആക്രമണത്തിൽ ഫെറിൻ്റെ പിതാവ് ജോർജ് ഗോമസിനും കുത്തേറ്റിട്ടുണ്ട്. കാറിലെത്തിയ ആളാണ് ആക്രമിച്ചതെന്നും ഇയാൾ പറുദയാണ് ധരിച്ചിരുന്നത് എന്നുമാണ് ഫെറിൻ്റെ പിതാവ് പറയുന്നത്.
തിരുവനന്തപുരം: നെടുമങ്ങാട് വയോധികയുടെ കാലിന് മുകളിലൂടെ കെഎസ്ആർടിസി ബസ് കയറിയിറങ്ങി അപകടം. ബസിൽ നിന്നിറങ്ങുന്നതിന് മുൻപ് ബസ് എടുത്തതോടെയാണ് അപകടമുണ്ടായത്. ടയറിനടിയിൽപ്പെട്ട് വയോധികയ്ക്ക് വലതുകാൽ നഷ്ടമായി. ഇതോടെ വാളിക്കോട് സ്വദേശി ഐ ഷാബീവിയുടെ (72) കാൽ മുറിച്ചു മാറ്റേണ്ടതായി വന്നു. സംഭവത്തിൽ ഇവരുടെ കുടുംബം പോലീസിൽ പരാതി നൽകി.
ന്യൂഡല്ഹി: രാജ്യത്ത് ഏറ്റവും കുറഞ്ഞ ശിശുമരണ നിരക്കുള്ള സംസ്ഥാനം കേരളമെന്ന് കേന്ദ്രം. എ എ റഹീം എംപി രാജ്യസഭയില് ഉന്നയിച്ച ചോദ്യത്തിന് മറുപടിയായി കേന്ദ്രമന്ത്രി സാവിത്രി താക്കൂറാണ് ഇക്കാര്യം അറിയിച്ചത്. ശിശുമരണനിരക്കിന്റെ ദേശീയ ശരാശരി 1000 കുട്ടികള്ക്ക് 32 എന്ന നിലയിലാണ്. എന്നാല് കേരളത്തില് ആയിരം കുട്ടികള്ക്ക് എട്ടു കുട്ടികള് എന്ന നിലയിലാണ്. ബിജെപി ഭരിക്കുന്ന സംസ്ഥാനങ്ങളായ മധ്യപ്രദേശില് 51 ഉത്തര്പ്രദേശില് 43 രാജസ്ഥാനില് 40 ഛത്തീസ്ഗഡില് 41 ഒഡിഷയില് 39 അസമില് 40 എന്നിങ്ങനെയാണ് ശിശു മരണനിരക്ക്….
കർണാടക: വിവാഹത്തിന് മുമ്പുള്ള സൽക്കാരത്തിനിടെ കുടിവെള്ളം വിളമ്പാത്തതിനെച്ചൊല്ലിയുണ്ടായ തർക്കത്തെ തുടർന്ന് വിവാഹം മുടങ്ങി. കർണാടകയിലെ ഹിരിയൂർ നഗരത്തിൽ ഞായറാഴ്ചയായിരുന്നു സംഭവം. ദാവണഗെരെ ജില്ലയിലെ ജഗലൂരിൽ നിന്നുള്ള എൻ. മനോജ് കുമാറിന്റെയും തുംകൂർ ജില്ലയിലെ ഷിറ താലൂക്കിലെ ചിരതഹള്ളിയിൽ നിന്നുള്ള സി.എ. അനിതയുടെയും വിവാഹമാണ് മുടങ്ങിയത്. വിവാഹത്തിന് മുമ്പ് നടന്ന അത്താഴ വിരുന്നിനിടെ കുടിവെള്ളം ശരിയായി വിതരണം ചെയ്തില്ല എന്നതിനെച്ചൊല്ലിയുണ്ടായ തർക്കത്തെ തുടർന്നാണ് പ്രശ്നങ്ങൾക്ക് ആരംഭം കുറിച്ചത്. കാറ്ററിങ് ജീവനക്കാർ കുടിവെള്ളം ശരിയായി വിതരണം ചെയ്യാത്തതിൽ വധുവിന്റെയും വരന്റെയും…
ആശാ വര്ക്കേഴ്സിന് ഓണറേറിയം അനുവദിക്കാനുള്ള എല്ലാ മാനദണ്ഡങ്ങളും പിന്വലിച്ച് സര്ക്കാര് ഉത്തരവ് പുറത്ത്. കഴിഞ്ഞ മാസം 19ന് സര്ക്കാര് എടുത്ത തീരുമാനം ഈ മാസം 12 നാണ് ഉത്തരവായി പുറത്തിറങ്ങിയത്. ആശമാര് ഉന്നയിച്ച ആവശ്യങ്ങളില് ഒന്നാണ് ഇതോടെ അംഗീകരിക്കപ്പെട്ടത്. പ്രതിമാസ ഓണറേറിയം 7000 രൂപയില് നിന്ന് 21000 രൂപയാക്കി വര്ധിപ്പിക്കുക, വിരമിക്കല് ആനുകൂല്യം അഞ്ച് ലക്ഷം രൂപയായി വര്ധിപ്പിക്കുക, ഓണറേറിയത്തിന് ഏര്പ്പെടുത്തിയ ഉപാധികള് പിന്വലിക്കുക തുടങ്ങിയതവയായിരുന്നു ഇവരുടെ പ്രധാന ആവശ്യങ്ങള്. ഫെബ്രുവരി മാസം ആറാം തിയതി ആരോഗ്യമന്ത്രി…
തിരുവനന്തപുരം: എസ്എടി ആശുപത്രിയിൽ ഓക്സിജൻ സിലിണ്ടറിലെ ഫ്ലോ മീറ്റർ പൊട്ടിത്തെറിച്ച് നഴ്സിംഗ് അസ്സിസ്റ്റന്റിന് പരുക്ക്. ഷൈലക്കാണ് പരുക്കേറ്റത്. അത്യാഹിത വിഭാഗത്തിലുള്ള ഓക്സിജൻ സിലിണ്ടറിലെ ഫ്ലോ മീറ്റർ പൊട്ടിത്തെറിക്കുകയായിരുന്നു. കണ്ണിനു ഗുരുതരമായി പരുക്കേറ്റ ഷൈലയെ കണ്ണാശുപത്രിയിൽ കൊണ്ടുപോയി. എന്നാൽ ഇവിടെ നിന്ന് മെഡിക്കൽ കോളേജിലേക്ക് റഫർ ചെയ്തു. കണ്ണിന് ശസ്ത്രക്രിയ വേണ്ടിവരും എന്നാണ് സൂചന. എങ്ങനെയാണ് അപടകം ഉണ്ടായതെന്ന് വ്യക്തമല്ല.
ന്യൂഡൽഹി: സംസ്ഥാനത്തെ നാട്ടാനകളുടെ സർവ്വേ നടത്തണമെന്ന ഹൈക്കോടതി ഡിവിഷൻ ബെഞ്ചിന്റെ ഉത്തരവിന് സ്റ്റേ. ഹൈക്കോടതി ഉത്തരവിനെതിരെ വിശ്വ ഗജസേവാ സമിതി നൽകിയ ഹർജിയിലാണ് സുപ്രീം കോടതിയുടെ നടപടി. തെരുവ് നായ്ക്കളുടെ വിഷയം പരിഗണിക്കാനായി സ്വമേധയാ സ്വീകരിച്ച ഹർജിയാണ് ഹൈക്കോടതി ഡിവിഷൻ ബെഞ്ച് പരിഗണിക്കുന്നത്. ഇത് എങ്ങനെ നാട്ടാന പരിപാലനത്തിലേക്ക് എത്തിയെന്നും സുപ്രീം കോടതി ചോദിച്ചു. ചരിത്രപരമായി സംസ്കാരത്തിന്റെ ഭാഗമാണ് ആന എഴുന്നള്ളത്ത്. അത് അവസാനിപ്പിക്കാനുള്ള നീക്കമാണ് ഹൈക്കോടതിയിൽ നടക്കുന്നതെന്നും സുപ്രീം കോടതിയുടെ നിരീക്ഷിച്ചു. ആനകൾ മനുഷ്യജീവിതത്തിന്റെ ഭാഗമാണെന്നും…
കൊച്ചി: പ്രശസ്ത ഗാനരചയിതാവ് മങ്കൊമ്പ് ഗോപാലകൃഷ്ണൻ (78) അന്തരിച്ചു. ഇന്ന് വൈകിട്ട് 4.55ന് കൊച്ചി മെഡിക്കൽ ട്രസ്റ്റ് ആശുപത്രിയിൽ വച്ചായിരുന്നു അന്ത്യം. ഹൃദയാഘാതമാണ് മരണകാരണം. ന്യുമോണിയ ബാധയെ തുടർന്ന് കഴിഞ്ഞ എട്ട് ദിവസമായി ആശുപത്രിയിൽ ചികിത്സയിലായിരുന്നു. 200 സിനിമകളിൽ എഴുന്നൂറിലധികം പാട്ടുകൾ അദ്ദേഹം എഴുതിയിട്ടുണ്ട്. ബാഹുബലിയടക്കം മൊഴിമാറ്റ ചിത്രങ്ങളുടെ സംഭാഷണവും തിരക്കഥയും നിർവഹിച്ചിട്ടുണ്ട്. സംവിധായകൻ ഹരിഹരന് വേണ്ടിയായിരുന്നു മങ്കൊമ്പ് ഗോപാലകൃഷ്ണൻ ഏറ്റവും കൂടുതൽ ഗാനങ്ങൾ രചിച്ചത്. അദ്ദേഹത്തിന്റെ വരികൾക്ക് ഏറ്റവും കൂടുതൽ തവണ ഈണം പകർന്നത് എംഎസ്…
കൊല്ലം: ഓടനാവട്ടത്ത് അമ്മയോടൊപ്പം ആഹാരം കഴിച്ചുകൊണ്ടിരുന്ന രണ്ടുവയസ്സുകാരനെ തെരുവുനായ കടിച്ചു പരിക്കേപ്പിച്ചു. ഏരൂർ പത്തടി കൊച്ചുവിളവീട്ടിൽ ഷൈൻ ഷായുടെയും അരുണിമയുടെയും മകൻ ആദം റഹാനെയാണ് നായ കടിച്ചത്. കുട്ടിയുടെ മുഖത്തും കഴുത്തിലും കണ്ണിനും ഗുരുതരമായി പരിക്കേറ്റു. മുഖത്തെ രണ്ട് എല്ലുകൾക്ക് പൊട്ടലുണ്ട്. കണ്ണിലെ കൃഷ്ണമണിക്കും പരിക്കേറ്റു. കഴിഞ്ഞദിവസം അമ്മയുടെ വീടായ ഓടനാവട്ടം കളപ്പിലയിൽ ഉച്ചയ്ക്ക് രണ്ടരയോടെയാണ് സംഭവം. കുട്ടി ഇപ്പോൾ തിരുവനന്തപുരം എസ്എടി ആശുപത്രിയിൽ ചികിത്സയിലാണ്.
കൽപ്പറ്റ : സമൂഹത്തിൽ വർദ്ധിച്ചു വരുന്ന കുറ്റ കൃത്യങ്ങളെ ജാതിയുടെയും മതത്തിൻ്റെയും നിറം നൽകി വർഗ്ഗീയവൽകരിക്കുന്നത് അപകടകരമായ കുറ്റകൃത്യമാണന്നും സമൂഹത്തിൽ ബോധപൂർവ്വം വർഗ്ഗീയ ചേരിതിരിവുകളുണ്ടാക്കുന്നവരെ മതേതരസമൂഹം ഒറ്റക്കെട്ടായി പ്രതിരോധിക്കണമെന്നും കെ.എൻ എം മർകസുദ്ദഅ് വ ഇഫ്താർ സംഗമം ആവശ്യപ്പെട്ടു. ഇളം തലമുറയിൽ വർധിച്ചു വരുന്ന കുറ്റകൃത്യങ്ങളെ ചെറുക്കാൻ അവർക്ക് ക്രിയാത്മകമായി വ്യാപൃതരാകാൻ കഴിയുന്ന സാമൂഹ്യ സാഹചര്യങ്ങൾ സൃഷ്ടിക്കണമെന്നും യോഗം ആവശ്യപ്പെട്ടു.ഇഫ്താർ സംഗമം ജില്ലാ പഞ്ചായത്ത് ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ ജുനൈദ് കൈപ്പാണി ഉദ്ഘാടനം ചെയ്തു .കെ…
You cannot copy content of this page
