മുണ്ടക്കയം: മുണ്ടക്കയത്ത് തൊഴിലുറപ്പ് തൊഴിലാളികക്ക് മിന്നലേറ്റു. അപകടത്തിൽ ഏഴ് സ്ത്രീകൾക്ക് പരിക്കേറ്റു. മുണ്ടക്കയം ടൗണിനു സമീപം കിച്ചൻ പാറയിലാണ് സംഭവം. മേഖലയിൽ ശക്തമായ മഴയും ഇടിയുമുണ്ടായിരുന്നു ഇതിനിടെയാണ് അപകടമുണ്ടായത്. 32 തൊഴിലാളികളാണ് ജോലിയിൽ ഏർപ്പെട്ടിരുന്നതിൽ ഇതിൽ ഏഴ് പേർക്ക് മിന്നലേൽക്കുകയും ഇവർ നിലത്ത് വീഴുകയുമായിരുന്നു.
പുതുപ്പറമ്പിൽ ഷീന നജ്മോൻ, മാമ്പറമ്പിൽ അനിതമ്മ വിജയൻ, ആഞ്ഞിലിമൂട്ടിൽ സുബി മനു, ആഞ്ഞിലിമൂട്ടിൽ ജോസിനി മാത്യു, ആഞ്ഞിലിമൂട്ടിൽ സിയാന ഷൈജു, പുത്തൻ പുരയ്ക്കൽ ശോഭ റോയ്, ഇടമ്പാടത്ത് അന്നമ്മ ആന്റണി എന്നിവർക്കാണ് പരുക്കേറ്റത്. ഇവരെ ഉടൻ തന്നെ നാട്ടുകാർ ചേർന്ന് ആശുപത്രിയിൽ പ്രവേശിപ്പിച്ചു. ആരുടെയും പരിക്ക് ഗുരുതരമല്ല എന്നാണ് ലഭ്യമാകുന്ന വിവരം.
