കൊച്ചി: മനസ്സമ്മതം കഴിഞ്ഞതിന്റെ സന്തോഷം നടൻ ബിനീഷ് ബാസ്റ്റിൻ സമൂഹ മാധ്യമങ്ങളിൽ പങ്കുവച്ചു. അടൂർ സ്വദേശിനിയായ താരയാണ് വധു.
‘എന്റെ അമ്മച്ചിയുടെ ഏറ്റവും വലിയ ആഗ്രഹമാണ്. എൻ്റെ ചാനൽ കാണുന്ന എല്ലാവരുടെയും ആഗ്രഹമാണ്. 10 വർഷമായി എന്താ കല്യാണം കഴിക്കാത്തത് എന്ന് ആളുകൾ ചോദിക്കാൻ തുടങ്ങിയിട്ട്. അവർക്ക് വേണ്ടിയാണ് ഇപ്പോൾ ഇങ്ങനെ ഒരു പരിപാടി നടത്തിയത്.
വിവാഹ തീയതി തീരുമാനിച്ചിട്ടില്ല. 2026 ഫെബ്രുവരിയിലായിരിക്കും വിവാഹമെന്ന് സന്തോഷ വാർത്ത പങ്കിട്ടുകൊണ്ട് ബിനീഷ് കുറിച്ചു.
പത്തുവർഷത്തിലേറെയായി സിനിമാലോകത്ത് സജീവമായ ബിനീഷ് നിരവധി ചിത്രങ്ങളിൽ അഭിനയിച്ചിട്ടുണ്ട്
