സൂപ്പർതാരം പ്രഭാസ് വിവാഹിതനാകുന്നു എന്ന വാർത്തകൾ ഇന്ന് പുറത്തു വന്നിരുന്നു. ഹൈദരാബാദിലെ ഒരു പ്രധാന ബിസിനസുകാരന്റെ മകളാണ് വധു എന്നായിരുന്നു വാർത്തകൾ. എന്നാൽ ‘പ്രചരിക്കുന്നത് വ്യാജവാർത്തയാണ്, ദയവുചെയ്‌ത് അവഗണിക്കൂ’ എന്നാണ് ടീം പ്രഭാസ് ഈ വാർത്തയിൽ പ്രതികരിച്ചിരിക്കുന്നത്.
പ്രഭാസ് വിവാഹിതനാകുന്നെന്നും നടന്റെ അന്തരിച്ച അമ്മാവനും നടനും കേന്ദ്രമന്ത്രിയുമായിരുന്ന കൃഷ്ണം രാജുവിന്റെ ഭാര്യ ശ്യാമളാദേവിയാണ് വിവാഹക്കാര്യങ്ങൾക്ക് മേൽനോട്ടം വഹിക്കുന്നതെന്നും വിവാഹം ഉടൻതന്നെ ഉണ്ടാകുമെന്നുമായിരുന്നു പ്രചരിച്ച വിവരം. ഈ വിവരങ്ങളാണ് അദ്ദേഹത്തിന്റെ ടീം നിഷേധിച്ചത്.
നിലവിൽ ഇന്ത്യയിൽ ഏറ്റവും കൂടുതൽ പ്രതിഫലം വാങ്ങുന്ന അഭിനേതാക്കളിൽ ഒരാളാണ് പ്രഭാസ്. ദി രാജാ സാബ്, ഫൗജി എന്നീ ചിത്രങ്ങളുടെ തിരക്കിലാണ് ഇപ്പോൾ പ്രഭാസ്.
