‘ആട് 3’ എന്ന ചിത്രത്തിന്റെ ഷൂട്ടിംഗിനിടെ പ്രമുഖ നടൻ വിനായകന് പരിക്കേറ്റു. തമിഴ്നാട്ടിലെ തിരുച്ചെന്തൂരിൽ നടന്ന സംഘട്ടന രംഗങ്ങൾക്കിടെയാണ് താരത്തിന് പേശീക്ഷതം സംഭവിച്ചത്. നിലവിൽ കൊച്ചിയിലെ സ്വകാര്യ ആശുപത്രിയിൽ ചികിത്സയിലുള്ള അദ്ദേഹത്തിന് ഡോക്ടർമാർ ആറാഴ്ചത്തെ പൂർണ്ണ വിശ്രമം നിർദ്ദേശിച്ചിരിക്കുകയാണ്.
തിരുച്ചെന്തൂർ ഷൂട്ടിംഗ് സെട്ടിൽ വച്ചാണ് അപകടം ഉണ്ടായത്. ജീപ്പ് ഉപയോഗിച്ചുള്ള ആക്ഷൻ രംഗങ്ങൾ ചിത്രീകരിക്കുന്നതിനിടെ പേശികൾക്ക് ക്ഷതമേറ്റു. കൊച്ചിയിൽ ചികിത്സ തേടിയ വിനായകന് എം.ആർ.ഐ (MRI) സ്കാനിംഗിലൂടെയാണ് പരിക്കിന്റെ ഗുരുതരാവസ്ഥ വ്യക്തമായത്.
‘ആട് 3’: മലയാളത്തിലെ വരാനിരിക്കുന്ന ബിഗ് ബഡ്ജറ്റ് വിരുന്ന്
മിഥുൻ മാനുവൽ തോമസ് സംവിധാനം ചെയ്യുന്ന ഈ ചിത്രം ‘ആട്’ ഫ്രാഞ്ചൈസിയിലെ മൂന്നാം ഭാഗമാണ്. ഒരു എപിക് ഫാന്റസി മൂഡിൽ ഒരുങ്ങുന്ന ചിത്രം നിർമ്മിക്കുന്നത് കാവ്യ ഫിലിം കമ്പനിയും ഫ്രൈഡേ ഫിലിം ഹൗസും ചേർന്നാണ്.
2026 മാർച്ച് 19 ഈദ് റിലീസ് ആണ് ചിത്രം. ജയസൂര്യ, വിനായകൻ, വിജയ് ബാബു, സൈജു കുറുപ്പ്, സണ്ണി വെയ്ൻ തുടങ്ങിയ വൻ താരനിര തന്നെ ചിത്രത്തിലുണ്ട്. ഷാൻ റഹ്മാൻ (സംഗീതം), അഖിൽ ജോർജ്ജ് (ഛായാഗ്രഹണം), ലിജോ പോൾ (എഡിറ്റിംഗ്).
വിനായകന്റെ ആരോഗ്യനില തൃപ്തികരമാണെങ്കിലും വിശ്രമം അത്യാവശ്യമായതിനാൽ ചിത്രത്തിന്റെ തുടർന്നുള്ള ഷെഡ്യൂളുകളിൽ മാറ്റം വരാൻ സാധ്യതയുണ്ട്.
