തിരുവനന്തപുരം: അരുവിക്കര ഡാമിന് താഴെ തടയണയിൽ കുളിക്കാനിറങ്ങിയ ഐടിഐ വിദ്യാർഥിയുടെ മാല കരമനയാറ്റിൽ കാണാതായി. ഫയർഫോഴ്‌സ് സ്‌കൂബ ടീം മാല മുങ്ങിയെടുത്തു. ഇന്നലെ വൈകിട്ടായിരുന്നു സംഭവം. ഐടിഐ വിദ്യാർത്ഥിയായ സുബിനും സുഹൃത്തുക്കളും ചേർന്ന് കുളിക്കുന്നതിനിടെയാണ് സുബിൻ്റെ ഒരു പവനോളം വരുന്ന മാല ആറ്റിൽ കാണാതായത്. വിദ്യാർത്ഥികൾ പ്രദേശത്ത് തെരച്ചിൽ നടത്തിയെങ്കിലും മാല കിട്ടിയില്ല. ഒഴുക്കുണ്ടായിരുന്നതിനാൽ കൂടുതൽ ശ്രമം നടത്താതെ ഫയർഫോഴ്സിനെ വിളിക്കുകയായിരുന്നു.
തുടർന്ന് തിരുവനന്തപുരം യൂണിറ്റിൽ നിന്നും സ്‌കൂബ ടീം എത്തി. മുക്കാല് മണിക്കൂറോളം പരിശോധന നടത്തിയ ശേഷമാണ് മാല കണ്ടെടുക്കാനായത്. സ്‌കൂബാ ടീം അംഗങ്ങൾ സുഭാഷിൻ്റെ നേതൃത്വത്തിൽ ഡ്രൈവർമാരായ സുജയൻ, സന്തോഷ്, പ്രതോഷ്, വിഷ്ണു നാരായണൻ, രാഹുൽ എന്നിവർ ചേർന്നാണ് ഒഴുക്കുള്ള സ്ഥലത്തെ പരിശോധനയ്‌ക്കൊടുവിൽ മാല നടത്തിയത്. മുങ്ങിയെടുത്തു. എങ്ങനെ വിവരം വീട്ടിൽ പറയും എന്ന് കരുതി ആശങ്കയിലായിരുന്ന സുബിന് മാല കിട്ടിയപ്പോഴാണ് ആശ്വാസമായത്.
