കൊച്ചി: തൃപ്പൂണിത്തുറയില്‍ 15കാരന് ക്രൂരമർദനം. തൃപ്പൂണിത്തുറ ചിന്മയ സ്‌കൂളിലെ പത്താം ക്ലാസ് വിദ്യാർത്ഥിക്കാണ് ക്രൂര മർദനമേറ്റത്
പെണ്‍സുഹൃത്തിന്റെ പേരിലുള്ള തർക്കമാണ് അക്രമണത്തിന് കാരണം. പ്ലസ് ടു വിദ്യാർത്ഥികളായ അഞ്ചുപേർ ചേർന്നാണ് 15കാരനെ മർദിച്ചത്. ഇവർക്കെതിരെ പൊലീസ് കേസെടുത്തിട്ടുണ്ട്. ഇതില്‍ ഒരാള്‍ക്ക് 18 വയസ് പൂർത്തിയായി.
ഇക്കഴിഞ്ഞ മൂന്നാം തീയതിയാണ് സ്‌കൂളില്‍ വച്ച്‌ അക്രമമുണ്ടായത്. ഇന്നലെയാണ് വിവരം കുട്ടിയുടെ ബന്ധുക്കള്‍ പൊലീസിനെ അറിയിച്ചത്. മർദനത്തില്‍ 15കാരന്റെ മൂക്കിന് സാരമായ പരിക്കേറ്റിട്ടുണ്ട്. മൂക്കിന്റെ അസ്ഥി പൊട്ടി. ഒരു പല്ല് ഇളകി പോയിട്ടുണ്ട്. വിദ്യാർത്ഥി ഇപ്പോഴും കൊച്ചിയിലെ സ്വകാര്യ ആശുപത്രിയില്‍ ചികിത്സയില്‍ കഴിയുകയാണ്. ആക്രമിച്ച വിദ്യാർത്ഥികള്‍ക്കെതിരെ തുടർനടപടി സ്വീകരിക്കുമെന്ന് പൊലീസ് അറിയിച്ചു
