ആർട്ടിഫിഷ്യല്‍ ഇന്റലിജൻസ് എല്ലാ രാജ്യങ്ങളിലും അപകടകരമാണെന്ന് സ്പീക്കർ എ എൻ ഷംസീർ. എ ഐ എല്ലാ മേഖലകളിലും ഇടപെടുന്നു , എല്ലാത്തിൻ്റെയും നല്ല വശങ്ങള്‍ സ്വീകരിക്കാം, നല്ല വശങ്ങള്‍ വരുമ്പോൾ ചീത്ത വശങ്ങളും വരുമെന്ന് ഓർക്കണമെന്നും സ്പീക്കർ ഷംസീർ പറഞ്ഞു.
കേബിള്‍ ടിവി ഓപ്പറേറ്റേഴ്സ് അസോസിയേഷൻ കണ്‍വെൻഷനിലാണ് സ്പീക്കർ ഇക്കാര്യം പറഞ്ഞത്.
മനുഷ്യ ജീവിതത്തിന്റെ എല്ലാ ഘട്ടങ്ങളെയും എ ഐ സ്വാധീനിക്കുന്നു.ഇപ്പോള്‍ നടക്കുന്നത് ടെക്നോ ഫ്യൂഡലിസം, സൂക്കർബർഗൊക്കെയാണ് ഫ്യൂഡലിസ്റ്റ്. രണ്ടാമത്തെ ജന്മി ഇലോണ്‍ മസ്ക്, സോഷ്യല്‍ മീഡിയ സ്പേസ് നമ്മളെ സ്വാധീനിക്കുന്നു, എ ഐ യെ ഗുണകരമായി ഉപയോഗിക്കുന്ന തരത്തിലുള്ള ചർച്ചകള്‍ ഉയർന്നു വരണമെന്നും ഷംസീർ പറഞ്ഞു.
