മാവേലിക്കര: നിർമാണ തൊഴിലാളി വൈദ്യുതാഘാതമേറ്റു മരിച്ചു. ചെട്ടികുളങ്ങര ഈരേഴ വടക്ക് മണ്ണാനേത്ത് പുത്തൻ വീട്ടിൽ മുരുകൻ(46) ആണ് മരിച്ചത്. കണ്ടിയൂരുള്ള വീട്ടിൽ നിർമാണ ജോലി ചെയ്യവേ വീട്ടിനുള്ളിൽ വലിച്ചിരുന്ന വയറിൽ നിന്നും ഷോക്കേൽക്കുകയിരുന്നു. ഉടൻ തന്നെ ശ്രീകണ്ടപുരം ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു. കായംകുളം ആശുപത്രിയിൽ പോസ്റ്റ്‌ മോർട്ടത്തിന് ശേഷം മൃതദേഹം ഇന്ന് വൈകിട്ട് മൂന്ന് മണിക്ക് വീട്ടു വളപ്പിൽ സംസ്കരിക്കും.

കട്ടപ്പന :ഹൈറേഞ്ച് മേഖലയിലെ കുരുമുളക് മോഷ്ടാക്കളായ മൂന്ന് പേരും മോഷ്ടിച്ച കുരുമുളക് വാങ്ങി വിൽപ്പന നടത്തുന്ന മലഞ്ചരക്ക് വ്യാപാരിയും അറസ്റ്റിൽ. കട്ടപ്പന കല്ലുകുന്ന് പീടികപ്പുരയിടത്തിൽ അഖിൽ (28), തൊവരയാർ കല്യാണതണ്ട് പയ്യംപളളിയിൽ രഞ്ചിത്ത് (27), വാഴവര കൗന്തി കുഴിയത്ത് ഹരികുമാർ (30) എന്നിവരും മലഞ്ചരക്ക് വ്യാപാരി കട്ടപ്പന സാഗരാ ജംക്ഷൻ കരമരുതുങ്കൽ പുത്തൻപുരയ്ക്കൽ സിംഗിൾ മോൻ (44) എന്നയാളുമാണ് അറസ്റ്റിലായത്. ഇയാളുടെ കടയിൽ നിന്നും പ്രതികൾ വിൽപ്പന നടത്തിയ കുരുമുളക് കണ്ടെത്തിയിരുന്നു. തങ്കമണി പോലീസ് സ്റ്റേഷൻ പരിധിയിൽ…