ഇന്ത്യ- ഓസീസ് ടി-20 മത്സരം; കാര്യവട്ടം സ്റ്റേഡിയത്തിൽ ഒരുക്കങ്ങൾ പൂർത്തിയായി
തിരുവനന്തപുരം: ട്വന്റി 20 പരമ്പരയിലെ രണ്ടാം മത്സരത്തെ വരവേൽക്കാൻ തിരുവനന്തപുരം ഒരുങ്ങിക്കഴിഞ്ഞു. ഇന്ത്യ, ഓസ്ട്രേലിയ മത്സര വേദിയായ കാര്യവട്ടം ഗ്രീൻഫീൽഡ് സ്റ്റേഡിയത്തിൽ ഒരുക്കങ്ങൾ പൂർത്തിയായതായി കേരള ക്രിക്കറ്റ് അസോസിയേഷൻ മാധ്യമങ്ങളെ അറിയിച്ചു. നവംബർ 26ന് വൈകുന്നേരം 7:00 മണിക്ക് നിശ്ചയിച്ചിരിക്കുന്ന മത്സരത്തിനായി ബാറ്റിംഗിന് അനുകൂലമായ വിക്കറ്റാണ് തയ്യാറാക്കിയിരിക്കുന്നതെന്നും കെസിഎ സെക്രട്ടറി വിനോദ് എസ്. കുമാർ മാധ്യമങ്ങളെ അറിയിച്ചു. ഇത് നാലാമത്തെ അന്താരാഷ്ട്ര ട്വന്റി 20 മത്സരത്തിനാണ് ഗ്രീൻഫീൽഡ് സ്റ്റേഡിയം തയാറാവുന്നത്. കാര്യവട്ടം ഗ്രീൻഫീൽഡ് സ്റ്റേഡിയത്തിലേക്ക് മറ്റൊരു അന്താരാഷ്ട്രമത്സരം എത്തുമ്പോൾ…
