കോട്ടയം: പുതുപ്പള്ളി ഉപതെരഞ്ഞെടുപ്പിൽ അന്തിമ പോളിങ് 72.86 ശതമാനമെന്ന് ജില്ലാകലക്ടർ. 2021ലെ നിയമസഭാ തെരഞ്ഞെടുപ്പിനേക്കാൾ 1.98% കുറവാണ് രേഖപ്പെടുത്തിയത്. വോട്ട് രേഖപ്പെടുത്തുന്നതിൽനിന്ന് തടയാൻ ചിലർ സംഘടിത നീക്കം നടത്തിയെന്ന യുഡിഎഫ് സ്ഥാനാർത്ഥി ചാണ്ടി ഉമ്മന്റെ ആരോപണം ജില്ലാ കലക്ടർ വി വിഘ്നശ്വരി തള്ളി. പുതുപ്പള്ളി മണ്ഡലത്തിന്റെ അതിർത്തി പുനർനിർണയിച്ച ശേഷമുള്ള ഏറ്റവും കുറഞ്ഞ പോളിങ് ശതമാനമാണ് ചൊവ്വാഴ്ച രേഖപ്പെടുത്തിയത്. തപാൽ വോട്ടുകൾ കൂട്ടാതെയുള്ള കണക്കാണിത്. പെട്ടെന്ന് തെരഞ്ഞെടുപ്പ് പ്രഖ്യാപിച്ചതും, വിദേശത്തുള്ളവർക്ക് ഉടൻ വരാൻ കഴിയാതിരുന്നതുമാകും പോളിങ് ശതമാനം…

തിരുവനന്തപുരം: യുവാവിനെ സഹോദരൻ കൊന്നു കുഴിച്ചുമൂടി. തിരുവനന്തപുരം ജില്ലയിലെ തിരുവല്ലം വണ്ടിത്തടം സ്വദേശി രാജ് ആണ് കൊല്ലപ്പെട്ടത്. തലയ്ക്കടിച്ച് കൊലപ്പെടുത്തിയ ശേഷം വീട്ടുമുറ്റത്ത് കുഴിച്ചുമൂടുകയായിരുന്നു. പ്രതി മാനസികാസ്വസ്ഥ്യമുള്ള ആളാണെന്നാണ് പൊലീസ് വ്യക്തമാക്കുന്നത്. രാജിനെ കാണാനില്ലെന്ന് ചൂണ്ടിക്കാട്ടി അമ്മ കഴിഞ്ഞദിവസം പരാതി നൽകിയിരുന്നു. തുടർന്ന് നടത്തിയ അന്വേഷണത്തിലാണ് വീട്ടുമുറ്റത്ത് കുഴിച്ചുമൂടിയ നിലയിൽ മൃതദേഹം കണ്ടെത്തിയത്. തിരുവല്ലത്തെ വീട്ടിൽ പൊലീസ് പരിശോധന നടക്കുകയാണ്

വയനാട് :വൈത്തിരിയിൽ ഓടികൊണ്ടിരിക്കുന്ന കാർ കത്തി നശിച്ചു. കൽപ്പറ്റ ഫയർഫോഴ്സ് എത്തി ആണ് തീ അണച്ചത്. വൈത്തിരി തളിമലയിൽ രാത്രി 8.45 ഓടെയാണ് അപകടം. കാർ പൂർണമായി കത്തിനശിച്ചു. ആളപായമില്ല.കോഴിക്കോട് നിന്ന് വയനാട്ടിലേക്ക് വരുന്നതിനിടെ വാഹനത്തിൻ്റെ ബോണറ്റിൽ നിന്ന് പുക ഉയരുന്നത് കണ്ട് വാഹനം നിർത്തി പുറത്തിറങ്ങിയ ഉടനെ തീ പടരുകയായിരുന്നു.പഴയവൈത്തിരി തെങ്ങിനിയാടൻ ജോബിയുടെ ഡസ്റ്റർ കാറിനാണ് തീപിടിച്ചത്.കാറിൽ രണ്ട് യാത്രക്കാർ ഉണ്ടായിരുന്നു. ആർക്കും പരിക്കില്ല കാറിന്റെ ബോണറ്റിൽ നിന്നാണ് തീ ഉണ്ടായത്.

തിരുവനന്തപുരം: മകന്റെ മരണവാർത്ത അറിഞ്ഞ് മാതാവ് ജീവനൊടുക്കി. തിരുവനന്തപുരം നെടുമങ്ങാട് വെള്ളൂർകോണം അറഫയിൽ സുലൈമാന്റെ മകൻ സജിൻ മുഹമ്മദ് (28), മാതാവ് ഷീജ ബീഗമാണ് മരിച്ചത്. വയനാട് പൂക്കോട് വെറ്ററിനറി സർവകലാശാല ക്യാമ്പസിലുണ്ടായ വാഹനാപകടത്തിലാണ് സജിൻ മുഹമ്മദ് മരിച്ചത്. മകന്റെ മരണവിവരം അറിഞ്ഞ ഷീജ ബീഗം കിണറ്റിൽ ചാടി മരിക്കുകയായിരുന്നു. ഇന്നലെ ഉച്ചയ്ക്ക് പൂക്കോട് ക്യാമ്പസിൽ പിക്കപ്പ് വാനും സ്കൂട്ടറും കൂട്ടിയിടിച്ചാണ് പിജി വിദ്യാർത്ഥിയായ സജിൻ മുഹമ്മദ് (28) മരിച്ചത്. എന്നാൽ മാതാവ് ഷീജ ബീഗത്തെ മരണവിവരം…