പഠിക്കാന് ആളില്ല, ഐടിഐകളില് 749 ട്രേഡുകള് ഒഴിവാക്കുന്നു
പാലക്കാട്: സംസ്ഥാനത്തെ സര്ക്കാര്-സ്വകാര്യ ഐടിഐകളിലായി ആറുവര്ഷത്തിലേറെയായി പഠിക്കാനാളില്ലാത്ത 749 ട്രേഡുകള് ഒഴിവാക്കുന്നു. ഇവയുടെ വിവരങ്ങള് ഉള്പ്പെടുത്തി ട്രെയ്നിങ് ഡയറക്ടര് വിജ്ഞാപനം പുറത്തിറക്കി. കോഴ്സുകള് ഒഴിവാകുന്നതുമൂലം അധികമാകുന്ന സ്ഥിരം ട്രെയ്നര്മാരെ യോഗ്യതയ്ക്കനുസരിച്ച് പുനര്വിന്യസിക്കാനും ധാരണയായി. നാല്പ്പതോളം അധിക തസ്തികകളിലുള്ളവരെയാണ് പുനര്വിന്യസിക്കേണ്ടി വരിക. 2018 മുതല് തുടര്ച്ചയായി ആറുവര്ഷം ഒരു വിദ്യാര്ഥിപോലും പ്രവേശനംനേടാത്ത കോഴ്സുകളാണ് ഒഴിവാക്കുന്നത്. കേന്ദ്ര നൈപുണിവികസന-സംരംഭക മന്ത്രാലയത്തിനു കീഴിലുള്ള ട്രെയ്നിങ് ഡയറക്ടര് ജനറല് നടത്തിയ പരിശോധനയില് രാജ്യത്തെ 415 ഐടിഐകളിലായി 21,609 ട്രേഡുകളാണ് ഒഴിഞ്ഞുകിടക്കുന്നവയായി കണ്ടെത്തിയത്….
