വെള്ളാർമല സ്കൂളിന് പുറകിൽ നിന്നായി 4 ലക്ഷം രൂപയുടെ നോട്ടുകെട്ടുകൾ കണ്ടെത്തി
കല്പ്പറ്റ: ഉരുള്പൊട്ടലുണ്ടായ ചൂരൽമലയില് നിന്ന് നാലു ലക്ഷം രൂപയുടെ നോട്ടുകെട്ടുകള് കണ്ടെത്തി. പ്രദേശത്ത് ഫയർഫോഴ്സ് നടത്തിയ തിരച്ചിലിൽ ആണ് നോട്ടുകെട്ടുകൾ കണ്ടെത്തിയത്. വെള്ളാര്മല സ്കൂളിന് പുറകിൽ നിന്നായി പുഴയോരത്തുനിന്നാണ് നോട്ടുകെട്ടുകള് കണ്ടെത്തിയത്. പ്ലാസ്റ്റിക് കവറിലായതിനാല് നോട്ടുകൾക്ക് കേടുപാടുകൾ സംഭവിച്ചിട്ടില്ല. ചൂരല് മലയിലെ പുഴയോരത്തുള്ള പാറക്കെട്ടുകള്ക്കും വെള്ളത്തിനുമിടയിലായി പ്ലാസ്റ്റിക് കവറില് പൊതിഞ്ഞ നിലയിലായിരുന്നു നോട്ടുകളുണ്ടായിരുന്നത്. പാറക്കെട്ടില് കുടുങ്ങി കിടന്നതിനാലാണ് ഒഴുകി പോവാഞ്ഞതെന്നും അഗ്നിരക്ഷാ സേനാംഗങ്ങള് പറഞ്ഞു. ചെളി നിറഞ്ഞ നിലയിലാണ് നോട്ടുകെട്ടുകളുള്ളത്. 500ന്റെ നോട്ടുകള് അടങ്ങിയ ഏഴ് കെട്ടുകളും…
