ബാലരാമപുരത്ത് രണ്ടരവയസുകാരിയെ അമ്മാവൻ കിണറ്റിലെറിഞ്ഞ് കൊലപ്പെടുത്തിയ കേസിൽ കുട്ടിയുടെ അമ്മ ശ്രീതുവിനെ അന്വേഷണസംഘം ചോദ്യംചെയ്യുന്നു.റൂറൽ എസ്പിയും ഡിവൈഎസ്പിയും ബാലരാമപുരം പൊലീസ് സ്റ്റേഷനിൽ എത്തിയിട്ടുണ്ട്.
സാമ്പത്തിക തട്ടിപ്പ് കേസിൽ ഉടൻ ശ്രീതുവിനെ അറസ്റ്റ് ചെയ്തേക്കുമെന്നാണ് വിവരം. ദേവസ്വം ബോർഡ് ഉദ്യോഗസ്ഥ ചമഞ്ഞ് നടത്തിയ തട്ടിപ്പിലാണ് നടപടി.
അതേസമയം ബാലരാമപുരത്ത് രണ്ടര വയസ്സുകാരിയെ കിണറ്റിലെറിഞ്ഞു കൊന്ന സംഭവത്തിൽ ഞെട്ടിക്കുന്ന വെളിപ്പെടുത്തലുമായി അയൽവാസി ഇന്നലെ രംഗത്ത് വന്നിരുന്നു. ജോത്സ്യൻ ശങ്കുമുഖം ദേവീദാസന്റെ വീട്ടിൽ അമ്മ ശ്രീതുവിനും പ്രതി ഹരി കുമാറിനുമൊപ്പം ദേവേന്ദുവിനെ കണ്ടിരുന്നതായി അയൽവാസി വെളിപ്പെടുത്തി.ചില ദിവസങ്ങളിൽ പുലർച്ചെ ദേവീദാസന്റെ വീട്ടിൽ നിന്ന് കുഞ്ഞിന്‍റെ കരച്ചിൽ കേട്ടിരുന്നതായും ദൃക്സാക്ഷി കൈരളി ന്യൂസിനോട് പറഞ്ഞു. ദേവീദാസൻ്റെ ജീവിത പശ്ചാത്തലം ദുരൂഹത നിറഞ്ഞതെന്നും അയൽവാസി കൂട്ടിച്ചേർത്തു
