ന്യൂഡൽഹി: ലോക്സഭ തെരഞ്ഞെടുപ്പിനായി സ്ഥാനാർഥികളുടെ മൂന്നാം ഘട്ട പട്ടിക പുറത്തിറക്കി ബിജെപി. തമിഴ്‌നാട്ടിലെ ഒമ്പത് മണ്ഡലങ്ങളിലാണ് ബിജെപി സ്ഥാനാർഥികളെ പ്രഖ്യാപിച്ചത്. തെലങ്കാന മുൻ ഗവർണർ തമിഴിസൈ സൗന്ദരരാജൻ ചെന്നൈ മണ്ഡലത്തിൽ മത്സരിക്കും.
സംസ്ഥാന ബിജെപി അധ്യക്ഷൻ കെ അണ്ണാമലൈ കോയമ്പത്തൂരിൽ മത്സരിക്കും. കന്യാകുമാരിയിൽ വീണ്ടും പൊൻ രാധാകൃഷ്ണൻ സ്ഥാനാർത്ഥിയാകും. തൂത്തുക്കുടിയിൽ കനിമൊഴിക്കെതിരെ നൈനാർ നാഗേന്ദ്രനെയാണ് ബിജെപി സ്ഥാനാർത്ഥിയായി നിശ്ചയിച്ചത്.
ബിജെപി മൂന്നാം ഘട്ട സ്ഥാനാർഥി പട്ടിക- ചെന്നെ സൗത്ത് – തമിഴിസൈ സൗന്ദരരാജൻ, ചെന്നൈ സെൻട്രൽ വിനോജ് പി സെൽവം, വെല്ലൂർ – എ സി ഷൺമുഖം, കൃഷ്ണഗിരി – സി നരസിംഹൻ, നീലഗിരി (എസ്സി) – എൽ.മുരുഗൻ, കോയമ്പത്തൂർ – കെ അണ്ണാമലൈ, പേരാമ്പ്ര – ടി ആർ പരിവേന്ദർ, തൂത്തുക്കുടി – നൈനാർ നാഗേന്ദ്രൻ കന്യാകുമാരി – പൊൻ രാധാകൃഷ്ണൻ.
