ന്യൂഡൽഹി:2011ൽ വൈദ്യുതി വിതരണ കമ്പനിയിലെ ജീവനക്കാരെ ആക്രമിച്ച കേസിൽ ബിജെപി ലോക്‌സഭാ അംഗം രാം ശങ്കർ കതേരിയയെ ആഗ്ര കോടതി ഓഗസ്റ്റ് 5 ന് രണ്ട് വർഷത്തെ തടവിന് ശിക്ഷിച്ചു.
ജനപ്രാതിനിധ്യ നിയമം, 1951 പ്രകാരം, രണ്ട് വർഷമോ അതിൽ കൂടുതലോ വർഷത്തേക്ക് ശിക്ഷിക്കപ്പെട്ട ഒരു തിരഞ്ഞെടുക്കപ്പെട്ട ജനപ്രതിനിധിയെ ഉടൻ തന്നെ അയോഗ്യനാക്കുന്നതിനാൽ, ഇറ്റാവയിലെ എംപിയായ കതേരിയ പാർലമെന്റിൽ നിന്ന് അയോഗ്യനാക്കപ്പെടാൻ സാധ്യതയുണ്ട്.ടോറന്റ് പവർ കമ്പനിയുടെ ഓഫീസ് തകർത്തതിനും ജീവനക്കാരെ മർദിച്ചതിനും ഇയാൾക്കെതിരെ കേസെടുത്തിരുന്നു.
കതേരിയ 2014 നവംബർ മുതൽ 2016 ജൂലൈ വരെ കേന്ദ്ര മാനവ വിഭവശേഷി വികസന സഹമന്ത്രിയായി സേവനമനുഷ്ഠിച്ചിട്ടുണ്ട്. അദ്ദേഹത്തിനെതിരെ 12 ക്രിമിനൽ കുറ്റങ്ങൾ ഉണ്ട്.മൂന്ന് തവണ എംപിയായതിന് പുറമെ ദേശീയ പട്ടികജാതി കമ്മീഷൻ ചെയർപേഴ്സനായും അദ്ദേഹം സേവനമനുഷ്ഠിച്ചു.
