കോട്ടയം: ചങ്ങനാശേരിയില് വീടുകള് കുത്തിത്തുറന്ന് മോഷണം. ചങ്ങനാശേരി പാറേല് പള്ളിക്കു സമീപം കടമാന്ചിറ ക്രൈസ്റ്റ് നഗറില് പുലര്ച്ചെയാണ് വീടുകളില് മോഷണം നടന്നത്. പ്രദേശത്തെ സിസിടിവിയില്നിന്ന് 2 പേര് വീടുകള്ക്ക് സമീപത്തുകൂടെ നടക്കുന്ന ദൃശ്യങ്ങള് ലഭിച്ചിട്ടുണ്ട്. ഫൊറന്സിക്, പൊലീസ് സ്ഥലത്തെത്തി പരിശോധന നടത്തി.
പുതുപ്പറമ്പില് ജോസി വര്ഗീസിന്റെ ഭാര്യ സൗമ്യ കാനഡയില് ജോലിക്കു പോകാന് വിമാനടിക്കറ്റിനായി സൂക്ഷിച്ചിരുന്ന 2.5 ലക്ഷം രൂപയും മോഷ്ടിക്കപ്പെട്ടു. അലമാരയില് സൂക്ഷിച്ചിരുന്ന പണവും ഒന്നരപവന് സ്വര്ണവുമാണ് മോഷണം പോയത്. മറ്റൊരുവീട്ടില്നിന്ന് 900 രൂപയും കവര്ന്നിട്ടുണ്ട്. സമീപത്തെ മറ്റൊരുവീട്ടിലും മോഷണശ്രമം നടന്നെങ്കിലും വീട്ടുകാര് ഉണര്ന്നതിനാല് പരാജയപ്പെട്ടു.
ചൊവ്വാഴ്ച പുലര്ച്ചെ ഒരുമണിക്കും നാലുമണിക്കും ഇടയിലായിരുന്നു സംഭവം. പ്രദേശത്തെ ഒരു നിരീക്ഷണ ക്യാമറയില് തമിഴ്നാട് സ്വദേശിയെന്ന് കരുതുന്ന മോഷ്ടാവിന്റെ ദൃശ്യങ്ങള് പതിഞ്ഞിട്ടുണ്ട്. ഈ ദൃശ്യങ്ങള് കേന്ദ്രീകരിച്ച് ചങ്ങനാശ്ശേരി പൊലീസ് അന്വേഷണം ആരംഭിച്ചു.
