ശവകുടീരത്തില് അലങ്കാരങ്ങള് പാടില്ല, പേര് ലാറ്റിന് ഭാഷയില് എഴുതണം; മാര്പാപ്പയുടെ മരണപത്രം പുറത്ത്
വത്തിക്കാന് സിറ്റി: കാലം ചെയ്ത ആഗോള കത്തോലിക്ക സഭയുടെ പരമാധ്യക്ഷന് ഫ്രാന്സിസ് മാര്പാപ്പ (88) യുടെ മരണപത്രം പുറത്തുവിട്ട് വത്തിക്കാന്. താന് എവിടെയായിരിക്കണം അന്ത്യവിശ്രമം കൊള്ളേണ്ടതെന്നും ശവകുടീരത്തിലെ പ്രത്യേകതകളും മരണപത്രത്തില് വ്യക്തമാക്കിയിട്ടുണ്ട്. റോമിലെ നാല് ബസിലിക്കകളില് ഒന്നായ പുരാതനമായ സെന്റ് മേരി മേജര് ബസിലിക്കയില് തന്റെ ഭൗതികദേഹം സംസ്കരിക്കണമെന്ന് മാര്പാപ്പ മരണപത്രത്തില് നിര്ദേശിക്കുന്നു. ശവകൂടിരം ഒരുക്കേണ്ട സ്ഥലവും രീതിയും ഉള്പ്പെടെ മരണപത്രത്തില് വ്യക്തമാക്കിയിട്ടുണ്ട്. ശവകൂടീരത്തില് അലങ്കാരങ്ങള് പാടില്ലെന്നും ലാറ്റിന് ഭാഷയില് ഫ്രാന്സിസ് എന്ന് മാത്രം എഴുതിയാല് മതിയെന്നും…
