തിരുവനന്തപുരം: തൃശൂരിലെ രണ്ട് ക്യാമ്പസുകളിൽ എസ്എഫ്ഐയുടെ പ്രതിഷേധ പ്രകടനത്തിന് പിന്നാലെ സംഘ‍ർഷം. കാലിക്കറ്റ് സ‍ർ‍വകലാശാല ഡി സോൺ കലോത്സവത്തിനിടെ നടന്ന സംഘ‍ർഷവുമായി ബന്ധപ്പെട്ടുള്ള എസ്എഫ്ഐയുടെ പ്രതിഷേധ പ്രകടനം നടക്കുകയായിരുന്നു. ഇരിങ്ങാലക്കുട ക്രൈസ്റ്റ് കോളേജിലും , എംടിഐ പോളിടെക്നിക് കോളേജിലും വിദ്യാർത്ഥികൾ തമ്മിലാണ് ഏറ്റുമുട്ടിയത്.
എംടിഐ പോളിടെക്നിക്കിലെ മൂന്നാം വർഷ വിദ്യാർത്ഥി അശ്വിനും ഇരിങ്ങാലക്കുട ക്രൈസ്റ്റ് കോളേജിലെ കെഎസ്‌യു യൂണിറ്റ് സെക്രട്ടറി ആരോണിനും പരുക്കേറ്റു. അലോഷ്യസ് കോളേജിലും , നാട്ടിക എസ് എൻ കോളേജിലും കെഎസ്‌യുവിൻ്റെ കൊടിമരങ്ങൾ തകർ‍ത്തു.
