കാസർകോട്: പ്രണയത്തെച്ചൊല്ലി സ്വകാര്യ ആശുപത്രിയിൽ സംഘർഷം. കാസർകോട് പടന്നക്കാടാണ് സംഭവം. കാഞ്ഞങ്ങാട് സ്വദേശികളായ യുവാവും യുവതിയും തമ്മിലുള്ള പ്രണയബന്ധമാണ് സ്വകാര്യ ആശുപത്രിയിലെ മർദ്ദനത്തിൽ കലാശിച്ചത്.
ഒരു മാസം മുമ്പാണ് സംഭവങ്ങളുടെ തുടക്കം. യുവതിയുടെ ബന്ധുക്കൾ യുവാവിനെയും സുഹൃത്തുക്കളെയും ഒരുമാസം മുമ്പ് മർദ്ദിച്ചിരുന്നു. ഇതിന് പ്രതികാരം ചെയ്യാൻ യുവാവും സുഹൃത്തുക്കളും എത്തിയപ്പോൾ വീണ്ടും സംഘർഷമുണ്ടായി. ഈ സംഘർഷത്തിനിടെ യുവാവിനും കൂട്ടർക്കും വീണ്ടും മാരകമായി മർദ്ദനമേറ്റു.
ഇതിനു പിന്നാലെയാണ് യുവാവും സുഹൃത്തുക്കളും സ്വകാര്യ ആശുപത്രിയിൽ ചികിത്സ തേടിയത്. ചികിത്സയ്ക്കായി ആശുപത്രിയിലെത്തിയപ്പോൾ അവിടെ വെച്ചും യുവതിയുടെ കുടുംബാംഗങ്ങൾ മർദ്ദിക്കുയായിരുന്നു. സംഭവത്തിൽ ഹൊസ്ദുർഗ് പൊലീസ് കേസെടുത്തു.
