കണ്ണൂർ: ഡ്രൈവിങ് ടെസ്റ്റിനിടെ എഴുപത്തിരണ്ടുകാരൻ കുഴഞ്ഞുവീണു മരിച്ചു. കണ്ണൂർ ഇരിട്ടിയിൽ എരുമത്തടത്താണ് സംഭവം. നെടുംപുറച്ചാൽ സ്വദേശി ജോസാണ് മരിച്ചത്. ഡ്രൈവിങ് ടെസ്റ്റ് കേന്ദ്രത്തിൽ എച്ച് എടുക്കുന്നതിനിടെയാണ് ശാരീരിക അസ്വാസ്ഥ്യമുണ്ടായത്. ഇതിനെ തുടർന്ന് ആശുപത്രിയിലെത്തിച്ചെങ്കിലും രക്ഷിക്കാനായില്ല. മോട്ടോർ വാഹന വകുപ്പിന്റെ വാഹനത്തിലാണ് ആശുപത്രിയിലെത്തിച്ചത്.
