തിരുവനന്തപുരം :ഇന്ത്യൻ ജനാധിപത്യത്തിൻ്റെ മഹത്തായ വിജയമാണ് രാഹുൽ ഗാന്ധി കേസിലെ വിധിയെന്ന് പാലോട് രവി. പാർലമെൻ്റിൽ നിന്നും സ്വവസതിയിൽ നിന്നും രാഹുൽ ഗാന്ധിയെ ആട്ടിയിറക്കാമെന്ന ബി ജെ പിയുടെ ഉപജാപ രാഷ്ട്രീയത്തിനാണ് കോടതി വിധി വിരാമമിട്ടതെന്ന് ഡിസിസി പ്രസിഡന്റ് പാലോട് രവി രാഹുൽ ഗാന്ധി കേസിലെ വിധിയിൽ ആഹ്ളാദം പ്രകടിപ്പിച്ചു കൊണ്ട് ഇന്ത്യൻ നാഷണൽ കോൺഗ്രസ് തിരുവനന്തപുരം ജില്ലാ കമ്മിറ്റി സംഘടിപ്പിച്ച ആഹ്ളാദ പ്രകടനത്തെ അഭിസംബോധന ചെയ്ത് സംസാരിക്കുകയായിരുന്നു പാലോട് രവി.
പാളയം രക്തസാക്ഷി മണ്ഡപത്തിൽ നിന്നും ആരംഭിച്ച പ്രകടനത്തിൽ നൂറ് കണക്കിന് പ്രവർത്തകരാണ് പ്രകടനത്തിൽ പങ്കെടുത്തത്. സെക്രട്ടറിയേറ്റിന് മുന്നിൽ രാഹുൽ ഗാന്ധിയുടെ ഛായാചിത്രത്തിൽ പ്രവർത്തകർ പാലഭിഷേകം നടത്തിയും ലഡു വിതരണം നടത്തിയും ആഹ്ളാദം പ്രകടിപ്പിച്ചു.
എന്‍.ശക്തന്‍, കെ.പി.ശ്രീകുമാര്‍, വി.എസ്‌.ശിവകുമാര്‍, ശരത്‌ചന്ദ്രപ്രസാദ്‌, ജി.എസ്‌.ബാബു, ജി.സുബോധന്‍, കെ.മോഹന്‍കുമാര്‍, കരകുളം കൃഷ്‌ണപിള്ള, നെയ്യാറ്റിന്‍കര സനല്‍, എന്നിവർ സംസാരിച്ചു. വര്‍ക്കല കഹാര്‍, എം.എ.വാഹീദ്‌, പി.കെ.വേണുഗോപാല്‍, കമ്പറ നാരായണന്‍, ആറ്റിപ്ര അനിൽ, ജെ.എസ്‌.അഖില്‍, അയിര സുരേന്ദ്രന്‍, എം.ശ്രീകണ്‌ഠന്‍ നായര്‍, കൈമനം പ്രഭാകരന്‍, വിനോദ്‌സെന്‍, എം.എ.പത്മകുമാര്‍, സി.ജയചന്ദ്രന്‍, ആഭിലാഷ്‌ ആര്‍. നായര്‍, തമ്പാനൂര്‍ സതീഷ്‌, കൊഞ്ചിറവിള വിനോദ്‌, തിരുവല്ലം പ്രസാദ്‌, ആര്‍.ഹരികുമാര്‍, സേവ്യര്‍ ലോപ്പസ്‌, വെള്ളയിക്കടവ് വേണുകുമാർ . അജിത്‌ലാല്‍, പാറ്റൂര്‍ സുനില്‍, കെ.എസ്‌.സനല്‍കുമാര്‍, ആര്‍. ലക്ഷ്‌മി, ഗായത്രി വി.നായര്‍, പേരൂര്‍ക്കട രവി തടങ്ങിയവര്‍ നേതൃത്വം നല്‍കി.
