തിരുവനന്തപുരം: സംസ്ഥാന സ്കൂള് കലോത്സവത്തിന്റെ മാതൃകയിൽ കായിക പ്രതിഭകള്ക്കും സ്വർണക്കപ്പ് നൽകാൻ സർക്കാർ. ഏറ്റവും കൂടുതൽ പോയിൻറ് നേടി മുന്നിലെത്തുന്ന ജില്ലയ്ക്ക് 117. 5 പവനുള്ള സ്വർണക്കപ്പ് നൽകാനാണ് തീരുമാനം. നടപടി സ്വീകരിക്കാൻ പൊതുവിദ്യാഭ്യാസ ഡയറക്ടർക്ക് സർക്കാർ അനുമതി നൽകികൊണ്ട് ഉത്തരവിറക്കി.ജേതാക്കൾക്ക് സമ്മാനമായി സ്വർണ്ണക്കപ്പ് നൽകുന്നത് കായികമേളയെ കൂടുതൽ ആവേശകരവും ശ്രദ്ധേയവും ആക്കുമെന്ന നിഗമനത്തിലാണ് ഈ തീരുമാനം. ഇതിനായി നിലവില് പൊതുവിദ്യാഭ്യാസ വകുപ്പിന്റെ കൈവശമുള്ള തുക ഉപയോഗപ്പെടുത്താനും ബാക്കി ആവശ്യമായി വരുന്ന തുക കായികമേളയ്ക്ക് വേണ്ടി സമാഹരിക്കുന്ന സ്പോണ്സര്ഷിപ്പ് തുകയില് നിന്ന് കണ്ടെത്താനുമാണ് തീരുമാനം. തിരുവനന്തപുരത്ത് വെച്ചാണ് ഈ വർഷത്തെ സ്കൂള് ഒളിമ്പിക്സ്.
